ప్రభాస్(Prabhas) కల్కి 2898AD మూవీ జూన్ 27 విడుదల కాబోతుంది. ఇప్పటికే ఈ సినిమా నుంచి రిలీజయిన గ్లింప్స్, ట్రైలర్, సాంగ్ తో సినిమాపై భారీ అంచనాలు నెలకొన్నాయి. తాజాగా కల్కి సినిమా నుంచి స్పెషల్ మేకింగ్ వీడియో రిలీజ్ చేశారు.
ఈ వీడియోలో నాగ్ అశ్విన్ మాట్లాడుతూ కల్కి సినిమాలో ఏం చూపించబోతున్నాడు, కల్కి సినిమా ఎందుకు తీసాడు అని వివరించాడు. ఈ కథ అన్నిటికి క్లైమాక్స్. మన కలియుగంలో ఎలా జరగబోతుంది అనేది. ఈ కథ ఇండియాలోనే కాదు ప్రపంచం అంతా కనెక్ట్ అవుతుంది. చిన్నప్పట్నుంచి పౌరాణిక సినిమాలు చాలా ఇష్టం. పాతాళ భైరవి, భైరవ ద్వీపం, ఆదిత్య 369 ఇలాంటి సినిమాలు ఇష్టం. హాలీవుడ్‌లో స్టార్ వార్స్ లాంటి సినిమాలు బాగుంటాయి. అలాంటి కథలు మన దగ్గర కూడా ఉన్నాయిగా, ఎప్పుడూ ఆ దేశంలోనే జరగాలా అనిపించేది. మన పురాణాల్లో చివరి అవతారం కృష్ణ. మహాభారతంలో చాలా క్యారెక్టర్స్ ఉంటాయి. కృష్ణుడి తర్వాత కథ ఎలా వెళ్తుంది అనేది ఊహల్లో రాసుకున్నాను. కలియుగం చివర ఎలా జరుగుతుంది అని రాసుకున్నాను. ఈ కథ మనం చదివిన పురాణాలకు క్లైమాక్స్ లాగా రాసుకున్నాను. కల్కి అనేవాడు ప్రతి కాలంలో ఉంటాడు ఒక్కో రూపంలో, కలియుగంలో ఎలాంటి రూపం తీసుకున్నాడు, ఎలా అంతమయ్యాడు అనేది ఆలోచించి రాయడానికి ఐదేళ్లు పట్టింది. దాన్ని ఇలా సైఫై మైథలాజి సినిమాగా తెరకెక్కించాను అని తెలిపాడు.
గతంలో కూడా కల్కి సినిమా గురించి మహాభారతం గురించి మాట్లాడాడు నాగ్ అశ్విన్. దీని వల్ల కల్కి సినిమా మహాభారత యుద్ధం చివర్లో మొదలై కలియుగం చివర్లో ముగుస్తుందని అర్థం చేసుకోవచ్చు. ఈ నేపథ్యం కల్కి సినిమాపై మరిన్ని అంచనాలు పెంచింది.
Comments