సోషల్ మీడియా అన్నాక చాలా రకాల వీడియోలు చూస్తూ ఉంటాం. కానీ కొన్ని వీడియోలు మాత్రం నెట్టింట జోరుగా వైరల్ అవుతూ ఉంటాయి. కొన్ని వీడియోలు ఫన్నీగా ఉంటే.. మరొకొన్ని భయాన్ని కలిగిస్తాయి. తాజాగా ఇప్పుడు ఈ వీడియో చూశారంటే.. ఖచ్చితంగా నవ్వుకుంటారు. ఈ వీడియోలో చైనా మహిళ చేసిన పనికి షాక్ అవ్వగుండా ఉండలేరు. చైనీయులు పచ్చి కూరలు, మాంసం తింటారన్న విషయం తెలిసిందే. ఒక్కసారి వాటిని వేడి నీటిలో వేసి.. కొద్దిగా ఉప్పు, పెప్పర్ అంటే మిరియాల పొడి వేసుకుని లాగించేస్తారు. ఇందుకు సంబంధించిన ఫుడ్ వీడియోలు ఎన్నో మనం చూశాం. వాటిని చూస్తే నిజంగానే వాంతు వచ్చేటట్టు ఉంటుంది. తాజాగా ఓ చైనా మహిళ కూడా ఇలాగే ఫుడ్ వీడియో చేస్తుంది. ఓ బతికి ఉన్న పెద్ద రొయ్యను తీసి వేడి నీటిలో ఉడకబెట్టాలని అనుకుంది. ఇంతలో ఆ రొయ్య కాస్తా తప్పించుకుని కింద పడింది. అయినా వదిలి పెట్టని మహిళ.. చేతితో తీసి వేద్దాం అనుకుంది. కానీ కుదరలేదు. ఇక అక్కడే ఉన్న చాప్ స్టిక్స్‌తో ఆ రొయ్యని తీసి నీటిలో వేద్దాం అనుకునే సమయంలో అది కాస్తా తప్పించుకుని మహిళ చేతిపైకి ఎక్కింది. అక్కడితో ఊరుకుందా.. నన్నే తింటావా అని రొయ్య ఫిల్ అయ్యిందో ఏమో.. ఆ మహిళ చేయిని కొరికింది. దీంతో అక్కడే ఉన్న స్టాఫ్ వచ్చి.. ఆ మహిళ చేయిపై నుంచి రొయ్యని తీసి ఫస్ట్ ఎయిడ్ చేశారు. రొయ్య కొరడంతో ఆ మహిళ లబోదిబో మంటూ ఏడ్చింది. ఆ తర్వాత ఇది కాస్తా సోషల్ మీడియాలో అప్‌లోడ్ చేయగా.. వైరల్‌గా మారింది. ఈ వీడియోపై నెటిజన్లు ఫన్నీ కామెంట్స్ చేస్తున్నారు. ఇక ఈ వీడియో మీరు కూడా చూసేయండి.
