విశాఖలో మాజీ మిస్ వైజాగ్ నక్షత్ర తన భర్త త్రిపురనేని సాయి వెంకట తేజ మీద లైంగిక వాంఛల ఆరోపణలు చేస్తూ ఆందోళన సృష్టించింది. వేరే అమ్మాయితో ఉన్న తన భర్తను రెడ్ హ్యాండెడ్‌గా పట్టుకుంది. విడాకులు ఇవ్వకుండా వేరే అమ్మాయిని పెళ్లి చేసుకున్న తేజపై అనేక ఆరోపణలు చేస్తోంది. తేజ మాత్రం ఆడిషన్ కోసం మాత్రమే అమ్మాయి వచ్చిందని అంటున్నాడు.
విశాఖ దాసపల్లా హిల్స్‌లోని ఒక అపార్ట్మెంట్ దగ్గరకు చేరుకున్న నక్షత్ర తన భర్తను మరొక అమ్మాయితో గుర్తించి, ఆమెపై దాడికి దిగింది. పోలీసులు వెంటనే చేరుకుని, అమ్మాయిని స్టేషన్‌కు తరలించారు.
నక్షత్ర 2012లో మిస్ వైజాగ్‌గా ఎంపికై, సినిమా రంగంలో ప్రవేశించింది. 2013లో తేజతో పెళ్లి జరిగింది. వీరికి ఏడేళ్ల పాప ఉంది. అయితే, తేజ తన లైంగిక వాంఛలను బయటపెట్టి, అనేక అమ్మాయిలతో సంబంధాలు పెట్టుకున్నాడని నక్షత్ర ఆరోపిస్తోంది. 2020లో కోర్టులో వీరి వ్యవహారం సాగింది.
తాజాగా నక్షత్ర తన భర్తను వేరే యువతితో రెడ్ హ్యాండెడ్‌గా పట్టుకోవడంతో, గొడవ పెద్దది అయింది. తేజ తన భార్య ఆరోపణలను తోసిపుచ్చుతూ, ఆ యువతి సినిమా ఆడిషన్ కోసం మాత్రమే వచ్చిందని వివరణ ఇచ్చాడు.
