ప్రాణం పణంగా పెట్టిన యువతి వైరల్ వీడియో..

#HeroicAct

వైరల్ అవుతున్న వీడియోలో డ్రైవర్ లేకుండా ట్రక్కు కదలడం మొదలైంది. ఏట వాలుగా ఉన్న రోడ్డుపై వేగంగా కదలడం మొదలు పెట్టినట్లు చూడవచ్చు. అదే సమయంలో సమీపంలో ఒక అమ్మాయి కూడా ఉంది. ట్రక్కు కదలడం చూసిన వెంటనే దాని వైపు పరుగెత్తింది. తర్వాత చాలా కష్టపడి ట్రక్కుపైకి ఎక్కి హ్యాండ్‌బ్రేక్‌నులాగింది. ఆ యువతి ఇలా చేయకుంటే ఘోర ప్రమాదం జరిగి ఉండేదని వీడియో చూస్తుంటే తెలుస్తుంది. ఎందుకంటే, ఆ సమయంలో రోడ్డుపై చాలా వాహనాలు వెళ్తున్నాయి. అప్పుడు అదుపు తప్పిన ట్రక్కు వల్ల పెద్ద ప్రమాదం జరిగే అవకాశం ఉంది. ఈ వీడియో మైక్రో బ్లాగింగ్ ప్లాట్‌ఫారమ్ X (గతంలో ట్విట్టర్)లో @gharkekalesh హ్యాండిల్‌లో షేర్ చేశారు. హ్యాండ్‌బ్రేక్‌ను లాగేందుకు ధైర్యవంతురాలైన యువతి కదులుతున్న ట్రక్కుపైకి ఎక్కింది’ అనే క్యాప్షన్ జత చేశారు. ఈ వీడియోను ఇప్పటివరకు 3.6 లక్షల కంటే ఎక్కువ సార్లు వీక్షించారు. యువతి ధైర్యం, క్షణాల్లో తీసుకున్న నిర్ణయాన్ని ప్రశంసిస్తున్నారు. ఇది దైర్యవంతుల లక్షణం.. ఎటువంటి పరిస్థితి ఎదురైనా సిద్ధంగా ఉంటారు ఒకరు వ్యాఖ్యానించారు. మరోకరు అమ్మాయి తన తెలివి తేటలను బాగా ఉపయోగించింది అని కామెంట్ చేయగా.. ఈ అమ్మాయి చాలా ధైర్యవంతురాలు అంటూ ఇంకొకరు.. తన ప్రాణాలను సైతం లెక్క చేయకుండా కదులుతున్న లారీపైకి ఎక్కింది. ధైర్యవంతులు ఇలాగే ఉంటారని మరో యూజర్ వ్యాఖ్యానించారు.