పాపం పూరి. లైఫ్ ఫస్ట్ టైమ్ ఇలాంటి కష్టాలు ఎదుర్కొంటున్నారు. ఇన్నాళ్లు ఇండస్ట్రీలోని పెద్దల వద్ద ఉన్న ఇష్యూ ఇప్పుడు రోడ్డుకు ఎక్కింది. లైగర్ సినిమా నిజాం ఏరియా ఎగ్జిబిటర్లు ఫిల్మ్ ఛాంబర్ ముందు ఆందోళనకు దిగారు. ఫుల్ డీటేల్స్ తెలుసుకుందాం పదండి.
‘లైగర్’ కోసం చేసిన అప్పులు, అగ్రిమెంట్లు దర్శకుడు పూరిని ఇంకా వెంటాడుతూనే ఉన్నట్లు తెలుస్తోంది. తమ నష్టాలు పూడ్చుకోవడనికి ఎగ్జిబిటర్లు, డిస్ట్రిబ్యూటర్లు సినిమా దర్శక నిర్మాత అయిన పూరిపై ఒత్తిడి తెస్తున్నారు. గతంలో ఇదే ఇష్యూకు సంబంధించి పూరికి సంబంధించి ఓ వాయిస్ లీకయ్యింది. తాను డబ్బులు తిరిగి ఇవ్వవలసిన అవసరం లేకపోయినా బయ్యర్లు నష్టపోయారని తిరిగి ఇవ్వడానికి అంగీకరించానని, ఒక నెలలో ఇస్తానని చెప్పినా.. అతి చేసి ధర్మా చేస్తానంటూ తనను బెదిరించారని పూరి చెప్పుకొచ్చారు. ఆ తర్వాత ఈ ఇష్యూ సెటిల్ అయిందనే అందరూ అనుకున్నారు.
కానీ తాజాగా లైగర్ సినిమా నైజాం ఏరియా ఎగ్జిబిటర్ల ఆందోళనకు దిగారు. ఫిల్మ్‌చాంబర్‌ ఎదుట లైగర్ బాధితులు రిలే దీక్షకు పూనుకున్నారు. లైగర్ సినిమాతో భారీగా నష్టపోయామని బాధితుల ఆవేదన వ్యక్తం చేస్తున్నారు. న్యాయం జరిగే వరకు ఆందోళన చేస్తామని హెచ్చరిస్తున్నారు. తమను ఆదుకునే వరకు పోరాటం చేస్తామని చెబుతున్నారు. గతంలో ధర్నా చేసిన వాళ్లకు కాకుండా నష్టపోయిన వాళ్లకు డబ్బులు ఇస్తానన్న పూరీ.. ఆ హామీనైనా నిలబెట్టుకోవాలని డిమాండ్ చేస్తున్నారు. పరిస్థితి చూస్తుంటే.. సిట్యువేషన్ చేయి దాటినట్లే అనిపిస్తుంది. మరి దీనిపై పూరి క్యాంప్ నుంచి ఏం ఆన్సర్ వస్తుందో చూడాలి.
