సూపర్ స్టార్ మహేష్ బాబు 'గుంటూరు కారం' సినిమా ఈ ఏడాది సంక్రాంతికి రిలీజై ఫర్వాలేదనిపించింది. త్రివిక్రమ్ డైరెక్షన్‌లో వచ్చిన ఈ సినిమా థియేటర్లో కంటే ఓటీటీలో పెద్ద హిట్ అవ్వడం విశేషం. ఇక ఈ చిత్రంలో కుర్చీ మడతపెట్టి సాంగ్ మాత్రం ఓ ఊపు ఊపేసింది. ఇందులో మహేష్ బాబు-శ్రీలీల వేసిన స్టెప్పులకి థియేటర్లు దద్దరిల్లిపోయాయి. ఇక సోషల్ మీడియాలో అయితే ఈ పాటకి కుర్రాళ్లు అందరూ తెగ స్టెప్పులేశారు. అయితే తాజాగా ఈ పాట మరో అరుదైన గుర్తింపు కూడా దక్కించుకుంది. కుర్చీ మడతపెట్టి సాంగ్‌‌‌ను అమెరికాలోని హ్యూస్టన్‌లో ప్లే చేశారు. అక్కడ టయోటా సెంటర్‌లో జరిగిన NBA (నేషనల్ బాస్కెట్ బాల్ అసోసియేషన్) గేమ్ హాఫ్‌టైమ్‌లో ఈ పాటకి కొంతమంది డ్యాన్స్ చేశారు. దీంతో ఈ వీడియో సోషల్ మీడియాలో వైరల్ అవుతోంది. కుర్చీ మడతపెట్టి సాంగ్ గల్లీ నుంచి గ్లోబల్ స్థాయికి చేరిందంటూ మహేష్ ఫ్యాన్స్ పోస్టులు పెడుతున్నారు.✨
