స్మార్ట్ ఫోన్లు ఎక్కువగా సన్‌లైట్‌కు ఎక్స్పోజ్ కాకుండా చూసుకోవాలి. ముఖ్యంగా రోడ్ల మీద ఫోన్‌ను బైక్‌కు అమర్చినప్పుడు ఇది చాలా అవసరం. అలాగే గేమింగ్, జీపీఎస్ నావిగేషన్, వీడియో స్ట్రీమింగ్ వంటి వాటివల్ల కూడా ఫోన్ వేడెక్కే అవకాశం ఉంటుంది. ఒకేసారి ఎక్కువ టాస్క్‌లు చేయడం వల్ల కూడా ఫోన్ వేడెక్కుతుంది. కాబట్టి ఫోన్ వినియోగంలో సరికొత్త మార్గాలు అనుసరించాలి.
సూర్యరశ్మికి దూరంగా ఉంచండి: ఫోన్‌ను డైరెక్ట్ సన్‌లైట్‌కి ఎక్స్పోజ్ చేయొద్దు. బైక్‌కు అమర్చినప్పుడు ఫోన్ వేడెక్కే అవకాశం ఉంటుంది కాబట్టి, వీలైనంత వరకు ఫోన్‌ను నీడలో ఉంచండి.
భారీ వినియోగం తగ్గించండి: గేమింగ్, జీపీఎస్ నావిగేషన్, వీడియో స్ట్రీమింగ్ వంటి వాటిని క్రమం తప్పకుండా చేయడం వల్ల ఫోన్ వేడెక్కుతుంది. వీటిని సమయం కుదిస్తే విరామం తీసుకోండి.
బ్యాటరీ సేవింగ్ మోడ్ వాడండి: ప్రస్తుతం దాదాపు అన్ని స్మార్ట్ ఫోన్‌లలో బ్యాటరీ సేవింగ్ మోడ్ అందుబాటులో ఉంటోంది. ఈ ఫీచర్‌ను ఆన్‌ చేసుకోవడం ద్వారా ఫోన్ వేడెక్కడం తగ్గుతుంది.
ఫోన్ కేస్‌ను తీసేయండి: ఫోన్ ప్రొటెక్షన్ కోసం వాడే కేస్ కూడా వేడిని బయటకు పోనివ్వదు. అప్పుడప్పుడు కేస్ తీసేయడం మంచిది.
అవసరంలేని ఫీచర్లు ఆఫ్ చేయండి: బ్లూటూత్, వైఫై, జీపీఎస్ వంటి ఫీచర్లు అవసరంలేనప్పుడు ఆన్‌లో ఉంచడం వల్ల బ్యాటరీ త్వరగా డ్రై అవ్వడమే కాకుండా ఫోన్ వేడెక్కుతుంది. కాబట్టి అవసరం లేనప్పుడు ఇవి ఆఫ్ చేయండి.
ఈ చిట్కాలను పాటించడం ద్వారా మీ స్మార్ట్ ఫోన్ కూల్‌గా ఉండి, పనితీరును మెరుగుపరుచుకోవచ్చు.
