అభిప్రాయం చెప్పడానికి ఓ పద్దతి పాడు ఉంటాయ్..

ఇటీవలే కల్కి 2898 ఏడీ సినిమాతో భారీ విజయాన్ని అందుకున్నాడు ప్రభాస్. అయితే ఈ సినిమా అసలు బాగలేదని.. ఇందులో డార్లింగ్ లుక్ తనకు నచ్చలేదని.. ప్రభాస్ జోకర్ లా కనిపించాడంటూ సంచలన కామెంట్స్ చేశాడు బాలీవుడ్ నటుడు అర్షద్ వర్సి. అతడి మాటలపై ప్రభాస్ ఫ్యాన్స్, టాలీవుడ్ సెలబ్రెటీస్ ఆగ్రహం వ్యక్తం చేస్తున్నారు. రూ.1200 కోట్లకు పైగా వసూళ్లు రాబట్టిన సినిమా బాగలేదని చెప్పడం.. ప్రభాస్ గురించి షాకింగ్ కామెంట్స్ చేయడం ఏంటని మండిపడుతున్నారు. ప్రభాస్ వంటి గోల్డెన్ వ్యక్తిని ఇలా అనడం సరికాదని కామెంట్స్ చేస్తున్నారు. ఇప్పటికే టాలీవుడ్ హీరో సుధీర్ బాబు స్పందిస్తూ అర్షద్ వర్సి వ్యాఖ్యలకు గట్టిగానే కౌంటరిచ్చారు. అలాగే డైరెక్టర్ అజయ్ భూపతి సైతం సోషల్ మీడియా వేదికగా సీరియస్ అయ్యారు. ప్రభాస్ జోకర్ లా ఉన్నాడంటూ అర్షద్ వర్సి చేసిన కామెంట్స్ పై ఆసక్తికర ట్వీట్ చేశాడు. “#ప్రభాస్.. భారతీయ సినిమాని ప్రపంచ ప్రేక్షకులకు తీసుకెళ్లడానికి ప్రతిదీ అందించిన, ఏదైనా చేయగల వ్యక్తి. అలాంటి మనిషి మన జాతికే గర్వకారణం. ఆ చిత్రంపై, అలాగే అతడిపై మీ దృష్టిలో అసూయను మేము చూస్తున్నాం. ఆయన సినిమాల పట్ల మీకున్న జెలసీ కనిపిస్తుంది. మీ అభిప్రాయాన్ని చెప్పడానికి ఒక పరిమితి, ఒక పద్దతి ఉంటుంది. అలాగే మీరు ఫేడ్ అవుట్ అయ్యారనే బాధ కూడా కనిపిస్తుంది” అంటూ సెటైర్ వేశాడు. ప్రస్తుతం అర్షద్ వర్సి చేసిన కామెంట్స్ పై ప్రభాస్ ఫ్యాన్స్ మండిపడుతున్నారు.