తమిళనాడులోని మధురై నగరంలో ఉన్న మీనాక్షి దేవి ఆలయం వాస్తుశిల్ప కళకు, పురాణాలకు ప్రసిద్ధి చెందింది. 45 ఎకరాల విస్తీర్ణంలో నిర్మించిన ఈ ఆలయం ప్రాచీన కళాఖండం. ఈ ఆలయ సముదాయంలో రెండు ప్రధాన దేవాలయాలు ఉన్నాయి. మీనాక్షి ఆలయం రెండవ ప్రధాన దేవాలయం. ఈ ఆలయం అనేక పురాణ కథలు, రహస్యాలతో ముడిపడి ఉంది. ముఖ్యంగా మీనాక్షి దేవి మూడు వక్షస్థల రహస్యం.
మీనాక్షి దేవి ఎవరు? మీనాక్షి దేవి శివుని భార్య అయిన పార్వతీ దేవి అవతారం. మీనాక్షి అంటే చేపలాంటి కళ్ళు కలది అని అర్థం. ఆమెను అందం, శక్తి కలిగిన యువతిగా పూజిస్తారు. సంతానం లేని వారికి సంతానాన్నిచ్చే శక్తివంతమైన దేవత.
మూడో వక్షస్థల రహస్యం హిందూ పురాణాల ప్రకారం, పార్వతి దేవి భూమి మీద మీనాక్షిగా మలయధ్వజ పాండ్య రాజు, కాంచనమాల రాణి దంపతులకు జన్మించింది. శివుడి ఆశీర్వాదంతో, మూడు వక్షస్థలాలతో పుట్టిన ఈ ఆడపిల్ల భర్తను కలిసినప్పుడు మూడో వక్షస్థలం మాయం అవుతుందని దేవదూతలు చెప్పారు.
మీనాక్షి దేవి భవ్యం మీనాక్షి దేవి శక్తివంతమైన పాలకురాలిగా ఎదిగి, అనేక రాజ్యాలను జయించింది. ఒకసారి యుద్ధంలో శివుని కలుసుకుంది. అతన్ని చూడగానే, మూడో వక్షస్థలం మాయం అయ్యింది. శివుడు ఆమె భర్త అని తెలిసింది.
సుందరేశ్వరుని రూపంలో వివాహం మూడో వక్షస్థలం మాయం అయిన తరువాత, మీనాక్షి శివుని వివాహం చేసుకోవాలని అభ్యర్థించింది. శివుడు సుందరేశ్వరుని రూపంలో ఆమెను వివాహం చేసుకున్నాడు. ఈ వివాహ వేడుక ప్రతి సంవత్సరం మధురైలో మీనాక్షి తిరుకల్యాణం లేదా చితిరై పండుగగా జరుపుకుంటారు.
