రియల్‌మీ 12 ప్రో మ్యాక్స్‌ స్మార్ట్ ఫోన్‌ను “సబ్ మెరైన్ బ్లూ” కలర్‌లో తీసుకొస్తున్నారు. ఈ ఫోన్‌లో కర్డ్వ్‌ డిస్‌ప్లేను ఇవ్వనున్నారు. ఈ ఫోన్ 8జీబీ ర్యామ్‌ వేరియంట్‌తో ప్రారంభంకానుంది. ఇక ఈ స్మార్ట్ ఫోన్ ధర విషయానికొస్తే.. 8జీబీ ర్యామ్‌, 256 జీబీ స్టోరేజ్‌ వేరియంట్‌ ధర రూ. 33,999కాగా, 12 జీబీ ర్యామ్‌, 256 జీబీ స్టోరేజ్‌ వేరియంట్‌ ధర రూ. 35,999గా ఉండనుంది. 📱💙
కెమెరా విషయానికొస్తే ఈ ఫోన్‌లో 64 మెగాపిక్సెల్ ఓఐఎస్ పోర్ట్రెయిట్ కెమెరా, 50 మెగాపిక్సెల్ సోనీ ఐఎంఎక్స్ 890 ఓఐఎస్ కెమెరా సెన్సార్ ఇవ్వనున్నారని తెలుస్తోంది. ఈ ఫోన్‌లో కర్వ్డ్‌ డిస్‌ప్లేకు సపోర్ట్ చేసే 120 హెచ్‌జెడ్‌ రిఫ్రెష్‌ రేట్‌ను ఇవ్వనున్నారు. ఆండ్రాయిడ్‌ 14 ఆపరేటింగ్ సిస్టమ్‌తో పనిచేసే ఈ ఫోన్‌లో రియల్‌మీ యూఐ 5.0 ఆపరేటింగ్ సిస్టమ్‌ను ఇవ్వనున్నారు. 📸📲
ఇక ఈ స్మార్ట్ ఫోన్ క్వాల్కమ్‌ స్నాప్‌డ్రాగన్‌ 7ఎస్‌ జెన్‌2 చిప్‌సెట్ ప్రాసెసర్‌తో పని చేయనుంది. అలాగే ఈ స్మార్ట్ ఫోన్‌లో 67 వాట్స్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని ఇవ్వనున్నారని తెలుస్తోంది. ఇక నెట్టింట వైరల్ అవుతోన్నలీక్స్‌ ఆధారంగా రియల్ మీ 12ప్రో మ్యాక్స్‌ స్మార్ట్ ఫోన్‌లో 6.7 ఇంచెస్‌తో కూడిన కర్డ్వ్‌ ఎడ్జ్‌ ఫుల్‌ హెచ్‌డీ+ అమోఎల్‌ఈడీ డిస్‌ప్లేను ఇవ్వనున్నారు. ఈ ఫోన్‌కు సంబంధించిన పూర్తి వివరాలు లాంచింగ్ రోజున ప్రకటించనున్నారు. 🚀📆
