భోజనం చేశాక రెండు యాలకులు నోట్లో వేసుకోండి.. బోలెడు ప్రయోజనాలు !!

యాలకులు ఆరోగ్యానికి ఎంతో మేలు చేస్తాయి. భోజనం తర్వాత ఏలకులు నమలడం వల్ల జీర్ణక్రియ మెరుగుపడుతుంది. అవి గ్యాస్‌ ట్రబుల్‌, అపానవాయువు వంటి సమస్యలను పరిష్కరించడంలో,ఎసిడిటీని నివారించడంలో సహాయపడతాయి. ఇవి యాంటీఆక్సిడెంట్లను కలిగి ఉంటాయి. చెడు కొలెస్ట్రాల్‌ను తగ్గించడంలో సహాయపడతాయి. అవి రక్తంలో చక్కెర స్థాయిలను నియంత్రించడంలో సహాయపడతాయి. గ్లూకోజ్ కొవ్వుగా నిల్వ చేయబడే ప్రమాదాన్ని తగ్గిస్తాయి. యాంటీ ఆక్సిడెంట్లను కలిగి ఉండే ఏలకులు రోగనిరోధక శక్తిని పెంచడంలో కూడా సహాయపడతాయి. యాలకులలో మెగ్నీషియం, పొటాషియం, కాల్షియం పుష్కలంగా ఉంటాయి. గోరువెచ్చని నీటిలో యాలకుల పొడి కలిపి తాగితే గొంతు నొప్పి నుంచి ఉపశమనం కలగుతుంది. యాలకులు జీర్ణవ్యవస్థను మెరుగుపరుస్తాయి. మలబద్దకాన్ని తగ్గిస్తాయి. గ్యాస్ సమస్యను పోగొట్టడంలో కీలకపాత్ర పోషిస్తాయి. పిల్లలకు తినిపించడం వల్ల వారి ఎముకలు గట్టిపడుతాయి. యాలకులు తినడం వల్ల నోటి దుర్వాసన దూరమవుతుంది. అనేక మౌత్ ఫ్రెష్‌నర్‌లలో యాలకుల రసాన్ని కలుపుతారు. బాడీ డీహైడ్రేషన్ కాకుండా కూడా యాలకులు కాపాడుతాయి.