2024ని ప్యాన్‌ ఇండియా రేంజ్‌లో రివ్యూ చేసినట్టున్నాయ్‌ తాప్సీ పన్ను చెప్పిన మాటలు. నార్త్ లో ఏం జరిగింది.? సౌత్‌ పరిస్థితి ఏంటి.? అని డీటైల్డ్ గా చెప్పేశారు తాప్సీ. అమ్మణి చెప్పిందంతా అక్షరసత్యం అంటున్నారు అర్థం చేసుకున్నవారు.. ఇంతకీ తాప్సీ ఏం చెప్పారో తెలుసా.?
ఈ ఏడాది సంక్రాంతికి విడుదలైంది గుంటూరు కారం. మహేష్‌బాబు, శ్రీలీల జంటగా నటించిన ఈ సినిమా మంచి హిట్‌ టాక్‌ తెచ్చుకుంది. అదే సీజన్‌లో రిలీజ్ అయి సూపర్ హిట్‌ అయింది హనుమాన్‌.
ఆ తర్వాత టిల్లు స్క్వేర్‌ కూడా బంపర్‌ హిట్‌ టాక్‌ తెచ్చేసుకుంది. అడపాదడపా ఇలాంటి హిట్‌ మూవీస్‌ 2024లో మనల్ని పలకరిస్తూనే ఉన్నాయి.
ఈ మధ్య రిలీజ్ అయిన కల్కి సినిమా మాత్రం కేక రెస్పాన్స్ తెచ్చేసుకుంది. ఏకంగా వెయ్యి కోట్ల క్లబ్‌లో ప్లేస్‌ కొట్టేసింది. ఈ సక్సెస్‌ల గురించే మాట్లాడారు తాప్సీ పన్ను.
సౌత్‌లో సక్సెస్‌లను అభిమానులు సెలబ్రేట్‌ చేసుకునే తీరుకి ఫిదా అయిపోవచ్చని అన్నారు. నార్త్ లో ఈ ఏడాది సక్సెస్‌లే లేవనుకోవడం పొరపాటని చెప్పారు తాప్సీ.
నార్త్ మీద కాస్త దృష్టి పెడితే సక్సెస్‌లు కళ్ల ముందు కనపిస్తాయని అన్నారు. సైతాన్‌కి మంచి స్పందన వచ్చిన విషయాన్ని గుర్తుచేశారు. రీసెంట్‌గా విడుదలైన స్త్రీ2 సూపర్ డూపర్‌ కలెక్షన్లతో దూసుకుపోతోంది.
ఈ విషయాన్ని కూడా ప్రస్తావించారు తాప్సీ. సెలబ్రిటీలకు ప్రశంసలు కొత్త ఊపిరి పోస్తాయని అన్నారు. 2024లో సౌత్‌, నార్త్ ల్లో హిట్లు సమానంగానే కనిపిస్తున్నాయని చెప్పారు.
