నిజాం పాలనలో తెలుగువారి అణచివేతను వ్యతిరేకిస్తూ, తెలుగు భాషా సంస్కృతి కోసం పోరాటం చేసిన మహానీయుడు సురవరం ప్రతాపరెడ్డి. చివరి నిజాం మీర్ ఉస్మాన్ అలీఖాన్ ఉర్దూను అధికార భాషగా మార్చడం ద్వారా తెలుగువారిని ఆణిచివేయడానికి ప్రయత్నించాడు. ఇది విద్యార్థుల్లో తెలుగు భాషను నేర్చుకోవడంపై ఆసక్తి తగ్గించింది, ఎందుకంటే తెలుగు భాషలో ఉన్నత విద్య లేదా అధికారిక ఉద్దేశ్యాలకు ప్రాముఖ్యత లేకపోయింది.
ఈ నేపథ్యం లో, సురవరం ప్రతాపరెడ్డి "గోల్కొండ" పత్రికను స్థాపించి, తెలుగు భాష మరియు సంస్కృతి కి ప్రోత్సాహం ఇచ్చారు. రాజా బహదూర్ వెంకట రామారెడ్డి సహాయంతో, సంపాదకీయాలు మరియు ప్రత్యేక వ్యాసాల ద్వారా తెలుగు భాషాభిమానులను చైతన్య వంతులను చేశారు.
ప్రతాప రెడ్డి గ్రంథాలయోద్యమాన్ని ప్రారంభించారు, ప్రతి గ్రామంలో గ్రంథాలయాలను ఏర్పాటు చేయడం ద్వారా ప్రజలను మరింత జాగరూకులను చేయాలనే ఉద్దేశంతో. ప్రభుత్వం నుండి ఎన్నో అవరోధాలు ఎదుర్కొవాల్సి వచ్చినా, తను తన ఉద్యమాన్ని నడిపిస్తూ ముందుకు పోయారు.
1942 మే 26న ఆలం పూర్, సూర్యాపేట, జనగాం తదితర ప్రాంతాలలో గ్రంథాలయ మహాసభలను ఘనంగా ఏర్పాటు చేశారు. ఆయా సందర్భాలలో తెలం గాణ రచయితల సంఘం మరియు లక్ష్మణరావు పరిశోధన మండలి వంటి సంస్థలను స్థాపించడంలో ముఖ్యపాత్ర వహించారు.
హైదరాబాదు రాష్ట్ర ఏర్పాట అనంతరం, ప్రతాప రెడ్డి ఐదు సంవత్సరాలు రాష్ట్ర శాసనసభలో సభ్యునిగా పని చేశారు.నేడు స్వర్గీయ శ్రీ సురవరం ప్రతాపరెడ్డి 128వ జయంతి సాహితీవేత్తగా, సంఘసేవకునిగా, ప్రజా ప్రతినిధిగా సురవరం ప్రతాప రెడ్డి చూపిన బాటలో నడవడం, ఆయన ఆశయాలను నెరవేర్చడం మనకు గొప్ప గౌరవం.
