నిజం చెప్పాలంటే మనం వాడే మసాలా పదార్థాలు ఎక్కడా దొరకవు. ఇందులో ఎన్నో అద్భుత గుణాలు ఉంటాయి. అందుకే, ఈ మసాలా పదార్థాలను ఔషధ మూలికలు అని కూడా అంటారు. వీటిని వాడడం వల్ల చాలా వంటకి రుచి పెరగడమే కాదు. ఇందులోని యాంటీ ఆక్సిడెంట్స్, యాంటీ ఇన్‌ఫ్లమేటరీ గుణాలు ఆరోగ్యాన్ని కూడా కాపాడతాయి. అలాంటి మసాలా పదార్థాలకి సంబంధించి ఎక్స్‌పైరీ డేట్ గురించి తెలుసుకోండి.
ఎక్స్‌పైరీ డేట్ ఉంటుందా..
ఈ ప్రశ్న అడగ్గానే చాలా మంది. వీటికి కూడా ఎక్స్‌పైరీ డేట్ ఉంటుందా అని ఆశ్చర్యపోతారు. నిజానికి వీటిని గాలి చొరబడని డబ్బాలో వేసి భద్రంగా స్టోర్ చేస్తే ఎన్నిరోజులకైనా వాడుకోవచ్చని చాలా మంది అనుకుంటారు. కానీ, ఈ ప్రపంచంలో తేనె తప్పా మరే ఇతర ఆహార పదార్థం చాలా రోజుల వరకి వాడొద్దు. దీని కారణంగా అవి ప్రాణాంతకంగా మారొచ్చు.
రోజులు గడిచేకొద్దీ..
నిజానికీ మసలా పదార్థాలు రోజులు గడిచేకొద్దీ వాటి ప్రభావాన్ని కోల్పోతాయి. రుచి, ఔషధగుణాలని అందించవు. చూడ్డానికి బానే కనిపించినా వాటిలోని ఇంతకుముందు రుచి ఇప్పుడు ఉండదు. అలాంటప్పుడు వాటిని వాడకపోవడమే మంచిది.
ఎలా గుర్తించాలి..
ఇవి ఒక్కో మసాలా పదార్థానికి ఒక్కో ఎక్స్‌పైరీ డేట్ ఉంటుంది. వాటిని స్టోర్ చేసిన డబ్బాలో చూడగానే అవి చూడ్డానికి రంగు మారిపోవడం, రుచి లేకపోవడం, వాటి ఆకారాన్ని కోల్పోవడం లాంటివి కనిపిస్తే అవి ఎక్స్‌పైరీ అయినట్టుగా గుర్తించాలి.
పొడిచేసి పెట్టుకుంటే..
మామూలు మసాలాల కంటే పొడి చేసిన మసాలాలు కాస్తా ఎక్కువ కాలం నిల్వ ఉంటాయి. అయితే, వీటిని కూడా మరి ఎక్కువ రోజులు పెట్టకూడదు. నెలల తరబడి మాత్రమే వాడడం మంచిది. అప్పుడే అవి తాజాగా ఉంటాయి.
ఎలా స్టోర్ చేయాలి?
వీటిని సరిగ్గా స్టోర్ చేయాలంటే మంచి కంటెయినర్‌ని చూసి గాలి చొరబడకుండా స్టోర్ చేయాలి. వీటిని వాసనలని చూస్తే అవి వాడొచ్చో లేదో తెలిసిపోతుంది. కాబట్టి, అలా వాడుకోండి. ఒకేసారి ఎక్కువ మొత్తంలో కొనకుండా అవసరమైన మేరకే తీసుకోండి. అవి అయిపోయాకే కొత్త మసాలాలు తీసుకోండి.
