స్మోకింగ్ ఆరోగ్యానికి హానికరమన్న విషయం అందరికీ తెలిసిందే. అయినా చాలా మంది సిగరెట్ తాగడం ఆపడం లేదు. సిగరెట్ ప్యాకెట్లపై హెచ్చరికలు ఉన్నా, ఎవరూ పట్టించుకోవడం లేదు. స్మోకింగ్ చేస్తే ప్రాణాలు పోతాయని తెలిసినా, అలవాటు మార్చుకోవడం లేదు. స్మోకింగ్ మాత్రమే కాదు, మద్యం సేవించడం, గంజాయి తీసుకోవడం కూడా చేస్తున్నారు. బహిరంగ ప్రదేశాల్లో స్మోకింగ్ చేయవద్దని ప్రభుత్వం హెచ్చరిస్తున్నా, చాలా మంది పట్టించుకోవడం లేదు.
ధూమపానాన్ని కొంత మంది ఫ్యాషన్‌గా భావిస్తున్నారు. మొదట్లో ఒక సిగరెట్‌తో మొదలు పెట్టి, ఆ తర్వాత ప్యాకెట్లు ప్యాకెట్లు తాగేస్తున్నారు. అందులోనూ ఏసీ గదుల్లో స్మోకింగ్ చేయడం మరింత ప్రమాదకరం. ఏసీ గదుల్లో స్మోకింగ్ చేయడం వల్ల చాలా ప్రమాదమని ఆరోగ్య నిపుణులు చెబుతున్నారు. శరీరం నుంచి వేడి బయటకు వెళ్లకపోవడం వల్ల బ్రెయిన్, హార్ట్, మూత్ర పిండాలపై ప్రభావం పడుతుంది. ఈ ప్రభావం వల్ల హీట్ స్ట్రోక్, హార్ట్ ప్రాబ్లమ్, షుగర్ ప్రాబ్లమ్, లంగ్ ప్రాబ్లమ్ వంటి సమస్యలు తలెత్తుతాయి. వేసవిలో సిగరెట్ తాగడం వల్ల ప్రమాదం మరింత పెరుగుతుంది.
స్మోకింగ్ చేయని వారికీ, పాసివ్ స్మోకర్లకు కూడా నష్టం రెట్టింపు అవుతుంది. ఏసీ గదుల్లో స్మోకింగ్ చేయడం వల్ల కలిగే సమస్యలు చాలా తీవ్రమని నిపుణులు హెచ్చరిస్తున్నారు.
