చిరంజీవి విశ్వంభర సినిమాకు సంబంధించిన షూటింగ్ శరవేగంగా జరుగుతున్నట్టుగా కనిపిస్తోంది. మొన్న విజయ్ బిన్నీతో ఓ సాంగ్ కొరియోగ్రఫీ చేసినట్టుగా అప్డేట్ వచ్చింది.
చిరంజీవి త్రిష కాంబోలో విశ్వంభర సినిమా వస్తోన్న సంగతి తెలిసిందే. వశిష్ట తెరకెక్కిస్తున్న మూవీ షూటింగ్ శరవేగంగా జరుగుతున్నట్టుగా కనిపిస్తోంది. ఈ మూవీ కోసం కీరవాణి అద్భుతమైన పాటల్ని రికార్డ్ చేసినట్టనిపిస్తోంది. ఇక ఈ పాటలకు వశిష్ట ఎంచుకుంటున్న కొరియోగ్రఫర్లను చూస్తేనే సాంగ్స్‌ను ఏ విధంగా డిజైన్ చేశాడో అర్థం అవుతోంది. విజయ్ బిన్నీతో ఓ సాంగ్ పూర్తి చేశారట. ప్రస్తుతం శోభి మాస్టర్‌తోనూ మరో సాంగ్‌ను కంప్లీట్ చేశారట. ఇలా వరుసగా పాటలను కంప్లీట్ చేస్తున్నట్టుగా తెలుస్తోంది.
మామూలుగా ఈ మద్య చిరంజీవి పాటలు అంటే.. శేఖర్ మాస్టర్ మాత్రమే కంపోజ్ చేస్తున్నాడు. అవే రొటీన్ స్టెప్పులతో విసిగించేస్తున్నాడనే కంప్లైంట్ కూడా ఉంది. అందుకే ఈ సారి శేఖర్ మాస్టర్‌కు అన్ని పాటలను అప్పగించలేదని తెలుస్తోంది. ఒక్క సాంగ్ అయినా శేఖర్ మాస్టర్‌కు ఇస్తారా? లేదా? అన్నది చూడాలి. ఇప్పటి వరకు వస్తున్న సమాచారం మేరకు అయితే శేఖర్ మాస్టర్‌కు విశ్వంభర టీం నుంచి పిలుపు రాలేదు.
జానీ మాస్టర్ చేత ఓ పాటను కంపోజ్ చేయించండి అనే రిక్వెస్టులు మాత్రం నెట్టింట్లో బాగానే కనిపిస్తున్నాయి. మరి ఇంకా చాలా పాటలే ఉన్నట్టుగా కనిపిస్తోంది. ఇక వాటిల్లో శేఖర్ మాస్టర్, జానీ మాస్టర్లకు ఏవైనా ఆఫర్లు వస్తాయేమో చూడాలి. విశ్వంభర సినిమా కోసం వశిష్ట ఓ కొత్త ప్రపంచాన్ని సృష్టించినట్టుగానే కనిపిస్తోంది. ఇందులో సిస్టర్ సెంటిమెంట్ కూడా బాగానే ఉండేట్టుగా తెలుస్తోంది.🎥✨
