బంగ్లాదేశ్ మాజీ ప్ర‌ధాని షేక్ హసీనా(Sheikh Hasina)పై మ‌ర్డ‌ర్ కేసు న‌మోదు చేశారు. ఆమెతో పాటు మ‌రో ఆరుగురిపై కేసు బుక్ చేశారు. ఓ స‌రుకుల దుకాణం ఓన‌ర్ మృతి ఘ‌ట‌న‌లో భాగంగా కేసును ఫైల్ చేశారు. యువ‌త ఆందోళ‌న‌ల నేప‌థ్యంలో దేశం విడిచి వెళ్లిన మాజీ ప్ర‌ధాని హసీనా.. ప్ర‌స్తుతం భార‌త్‌లో ఆశ్ర‌యం పొందుతున్నారు. అయితే ఆ అల్ల‌ర్ల స‌మ‌యంలో జరిగిన కాల్పుల్లో ఆ షాపు ఓన‌ర్ మృతిచెందాడు. ప‌రారీ అయిన తర్వాత హ‌సీనాపై న‌మోదైన తొలి కేసు ఇదే. గ్రాస‌రీ స్టోర్ ఓన‌ర్ అబూ స‌య్య‌ద్‌కు చెందిన మిత్రుడు ఒక‌రు ఆ కేసును న‌మోదు చేశారు. అవామీ లీగ్ పార్టీ జ‌న‌ర‌ల్ సెక్ర‌ట‌రీ ఒబైదుల్ ఖాదిర్‌, మాజీ హోంమంత్రి అస‌దుజ్మాన్ ఖాన్ క‌మ‌ల్‌, మాజీ ఐజీ చౌద‌రీ అబ్దుల్లా ఆల్ మ‌మున్ ఈ కేసులో ఉన్నారు. అనేక మంది ఉన్న‌త స్థాయి పోలీసు, ప్ర‌భుత్వ అధికారుల పేర్ల‌ను కూడా దీంట్లో చేర్చారు.
