ఎవరింట్లోనైనా ఆడపిల్లలు తండ్రిని ఎక్కువగా ఇష్టపడితే.. మగపిల్లలు తల్లిని ఇష్టపడతారు. తల్లి కంటే ఎక్కువగా తండ్రిని ఇష్టపడి ఫ్రెండ్‌లా ట్రీట్‌ చేస్తారు. వారితో కలిసి బయటికి వెళ్తారు. వారి సీక్రెట్స్ ఎక్కువగా తండ్రితోనే చెప్పుకుంటారు. తల్లినీ దైవంగా భావించినప్పటికీ ఆమె కంటే ఎక్కువగా తండ్రితో హ్యాపీగా గడుపుతారు. దీనికి కారణాలు ఏంటో చూస్తే గనుక..
జీవితంలో మొదటి మగవారిగా..
ఓ అమ్మాయి తన జీవితంలో చూసే మొదటి మగవ్యక్తి నాన్న. వారు జీవించే విధానం ఆడపిల్లల్ని ఎక్కువగా ఎఫెక్ట్ చేస్తుంది. ఓ రకంగా చెప్పాలంటే వారికి మొదటి హీరో నాన్నే.
బలబలాలు చెప్పడం..
అదే విధంగా, ఆడపిల్లకి బలబలాల గురించి చెబుతారు. ఎప్పుడు బలంగా ఉండాలో ఏ సమస్యని ఎలా ఎదుర్కోవాలో చెప్పడమే కాకుండా.. ఏ సమయంలో ఎలా ఉండాలో కూడా వారే చెబుతారు.
రక్షణగా..
తల్లీ ప్రేమగా చూసినప్పటికీ.. తండ్రి వారిని రక్షిస్తారు. వారు పక్కన ఉంటే ఓ సెక్యూరిటీ ఉన్నట్లుగా భావిస్తారు. ఎవరు ఏం చేయలేరన్న భావన ఆడపిల్లలకి ఉంటుంది.
వారిపై శ్రద్ధ..
అందరికంటే ఎక్కువగా వారిని చూసేది తండ్రి. వారిని ప్రతి విషయంలోనూ రక్షిస్తారు. అలాగే వారికి కూతుళ్ళని కిందకి లాగడానికి ఎవరైనా ప్రయత్నిస్తే దానిని ఎదురిస్తాడు. దీంతో ఆడపిల్లలకి తండ్రి అంటే ప్రేమ ఎక్కువగా ఉంటుంది.
తక్కువ..
తాను ఎంత తక్కువ స్థాయిలో ఉన్నా తన కూతురిని మాత్రం రాణిలా చూసుకుంటారు. ఎప్పుడు తక్కువ చేయడు. వారంతటా వారు ఇండిపెండెంట్‌గా ఎలా ఎదగాలో చూపిస్తాడు. వారికి అంత స్వేచ్ఛనిస్తాడు నాన్న. ఆడపిల్లలు ఎప్పుడు కూడా వారిని జాగ్రత్తగా చుసుకుంటూ వారి వెనుకే నిలబడతాడు. వారి ఎక్స్‌పెక్టేషన్స్‌ని ఎప్పుడు కూడా తగ్గించడు.
ఏ విషయంలోనైనా..
చదవు, జాబ్ విషయంలో ఎలాంటి సవాళ్ళని ఎదుర్కోవాలో ఏ రిస్క్‌ని ఎలా ఎదురించాలో చెబుతారు. మీరు ఎత్తుకి ఎదిగినా, కిందికి పడిపోయినా ఎప్పుడు నిరుత్సాహపడరు. వారిని ఇంకా స్ట్రాంగ్‌గా ఉంచుతారు.
