సలార్ సినిమా డిసెంబర్ 22న రాబోతోంది. ఇంత వరకు ప్రశాంత్ నీల్ ఈ సినిమా మీద ఓ క్లారిటీ అంటూ ఇవ్వలేకపోయాడు. ఈ మూవీ ఉగ్రంకు రీమేక్‌గా రాబోతోందని గత కొన్నేళ్ల క్రితమే మ్యూజిక్ డైరెక్టర్ రవి బస్రూర్ చెప్పాడు.
సలార్ సినిమా డిసెంబర్ 22న రాబోతోంది. ఇంత వరకు ప్రశాంత్ నీల్ ఈ సినిమా మీద ఓ క్లారిటీ అంటూ ఇవ్వలేకపోయాడు. ఈ మూవీ ఉగ్రంకు రీమేక్‌గా రాబోతోందని గత కొన్నేళ్ల క్రితమే మ్యూజిక్ డైరెక్టర్ రవి బస్రూర్ చెప్పాడు. కానీ ప్రశాంత్ నీల్ మాత్రం వాటిని కొట్టిపాడేశాడు. ట్రైలర్ రిలీజ్ అవ్వడంతో ఉగ్రం ఛాయలు కనిపించాయి. ఉగ్రం సినిమా పాయింట్‌‌తోనే సలార్‌ను గ్రాండియర్‌గా తీశాడని అంతా అంటున్నారు. ఇద్దరు ప్రాణ స్నేహితులు, బద్ద శత్రువులుగా మారితే ఎలా ఉంటుందో అదే ఉగ్రం. ఇప్పుడు ఆ పాయింట్ మీదే సలార్ కూడా రాబోతోంది.
దీంతో సలార్ మీద చాలా వరకు ఆసక్తి తగ్గిపోయింది. ఇక సలార్ ట్రైలర్ చూసిన తరువాత కేజీయఫ్ మేకింగ్‌లానే ఉందని, కొత్తగా ఏమీ లేదని జనాలు పెదవి విరిచారు. అయితే మరింత పవర్ ఫుల్‌గా ఉంటే ట్రైలర్‌ను ఇంకోటి రెడీ చేసినట్టుగా సమాచారాం. త్వరలోనే ఆ ట్రైలర్ కూడా వస్తుందని అంటున్నారు.
రిలీజ్ డేట్ దగ్గర పడుతున్నా కూడా సినిమా ప్రమోషన్స్ చేయడం లేదేంటని డార్లింగ్ ఫ్యాన్స్ ఫైర్ అవుతున్నారు. అసలు సినిమాను ఏ రేంజ్‌లో ప్రమోట్ చేయాలి.. పాన్ ఇండియా అన్నారు.. ఇంకా ప్రమోషన్స్ మొదలు పెట్టలేదేంటని అభిమానులు ఆగ్రహం వ్యక్తం చేస్తున్నారు.
తాజాగా పృథ్వీరాజ్ సుకుమారన్ వేసిన ట్వీట్ చూస్తుంటే.. సినిమా పనులు ఇంకా అవ్వలేదనిపిస్తోంది. లాస్ట్ స్టేజ్‌లో ఇంకా పనులు చేస్తున్నారనిపిస్తోంది. డబ్బింగ్‌లో కరెక్షన్స్ ఉంటే పూర్తి చేశానని పృథ్వీరాజ్ సుకుమారన్ చెప్పుకొచ్చాడు. ఈ మేరకు పృథ్వీరాజ్ వేసిన ట్వీట్ వైరల్ అవుతోంది. ఇంతకు ముందు చాలా భాషల్లో సొంతంగానే డబ్బింగ్ చెప్పుకున్నాడట. కానీ ఇలా ఒకే పాత్రకు అన్ని భాషల్లో డబ్బింగ్ చెప్పడం ఇదే మొదటి సారి అంట. చాలా చాలెంజింగ్‌గా అనిపించిందట. దేవా, వరదా పాత్రలను డిసెంబర్ 22న ప్రేక్షకుల ముందుకు రాబోతోందని పృథ్వీరాజ్ చెప్పుకొచ్చాడు.
సలార్ మొదటి పార్ట్ డిసెంబర్ 22న భారీ ఎత్తున రాబోతోంది. ఇప్పటికే ఓవర్సీస్‌లోని కొన్ని ఏరియాల్లో అడ్వాన్స్ బుకింగ్స్ జరిగిపోయాయి. ఇక ఈ ఏడాది బిగ్గెస్ట్ ఓపెనర్‌గా సలార్ రికార్డులు క్రియేట్ చేసేలా ఉంది. ఒక వేళ సినిమాకు ఫుల్ పాజిటివ్ టాక్ వస్తే మాత్రం బాక్సాఫీస్ బద్దలవ్వడం మాత్రం ఖాయం.🎥✨
Comentários