ప్రణవ్ ప్రీతం, షాజ్ఞ శ్రీ వేణున్ జంటగా నటించిన ప్రభుత్వ జూనియర్ కళాశాల పుంగనూరు-500143 చిత్రం జూన్ 21న గ్రాండ్ థియేట్రికల్ రిలీజ్ కి సిద్ధమైంది. డైరెక్టర్ శ్రీనాథ్ పులకురం దర్శకత్వంలో, భువన్ రెడ్డి కొవ్వూరి నిర్మించిన ఈ చిత్రం ఓ యదార్థ సంఘటన ఆధారంగా రూపొందించబడింది.హైదరాబాద్ ప్రసాద్ ల్యాబ్స్ లో జరిగిన ప్రెస్ మీట్ లో చిత్ర బృందం తమ అనుభవాలు పంచుకున్నారు.
దర్శకుడు శ్రీనాథ్ పులకురం మాట్లాడుతూ, "జూన్ 21 మా జీవితాల్లో ఒక పెద్ద రోజు. ఎన్నో ఇబ్బందులు దాటి మా సినిమాను రిలీజ్ వరకు తీసుకురావడం ఒక పెద్ద విజయంగా భావిస్తున్నాం. మేము క్వాలిటీలో కాంప్రమైజ్ కాకుండా సినిమాను తీశాం. మా ఊరు పుంగనూరు పేరు టైటిల్ లో పెట్టి అక్కడే షూటింగ్ చేయడం గర్వంగా ఉంది."
నిర్మాత భువన్ రెడ్డి కొవ్వూరి మాట్లాడుతూ, "సినిమా ఇండస్ట్రీలో నాకు ఎలాంటి పరిచయాలు లేవు. కానీ శ్రీనాథ్ గారి ప్యాషన్ చూసి ఈ ప్రాజెక్ట్ ని ప్రొడ్యూస్ చేయాలని అనుకున్నాను. ఆయన క్వాలిటీ విషయంలో చాలా జాగ్రత్తలు తీసుకున్నారు. మేము ఇచ్చిన లిమిటెడ్ బడ్జెట్ లో అందరికీ నచ్చేలా సినిమా తీశారు."
హీరోయిన్ షాజ్ఞ శ్రీ వేణున్ మాట్లాడుతూ, "ఈ సినిమాలో నటించడం చాలా సంతోషంగా ఉంది. మా డైరెక్టర్ నన్ను మంచి పర్ ఫార్మెన్స్ చేయించారు. ఈ సినిమాను అందరూ చూడండి, సపోర్ట్ చేయండి."
హీరో ప్రణవ్ ప్రీతం మాట్లాడుతూ, "ఈ సినిమా మా అందరి లైఫ్ లో చాలా స్పెషల్. పుంగనూరు లాంటి అందమైన ఊరిలో షూటింగ్ చేయడం ఎంతో ప్లెజెంట్ గా ఉండేది. సినిమా చూసి మీ అందరి సపోర్ట్ అందిస్తారని ఆశిస్తున్నా."
留言