ప్రభాస్ ప్ర‌శాంత్ నీల్ కాంబినేష‌న్‌లో రూపొందుతోన్న సలార్ సినిమా టీజర్ డేట్ అనౌన్స్మెంట్ వ‌చ్చేసింది. జూలై 6న ఈ మూవీ టీజ‌ర్‌ను విడుదల చేయ‌బోతున్న‌ట్లు మేక‌ర్స్ ప్ర‌క‌టించారు.
పాన్ ఇండియా స్టార్ ప్రభాస్ ఫ్యాన్స్‌కి ఇక పూనకాలే. అందుకు కార‌ణం వారు ఎప్ప‌టి నుంచి ఎదురు చూస్తోన్న డార్లింగ్ మాస్ యాక్ష‌న్ ఎంట‌ర్‌టైన‌ర్ స‌లార్‌కి సంబంధించిన అప్డేట్ వ‌చ్చేసింది. ప్ర‌భాస్‌కి ఉన్న మాస్ ఇమేజ్ గురించి అంద‌రికీ తెలిసిందే. ఆయ‌న‌తో ప్ర‌శాంత్ నీల్ చేస్తోన్న మాస్ యాక్ష‌న్ మూవీ ‘సలార్’. KGFతో ప్ర‌శాంత్ నీల్ పాన్ ఇండియా క‌లెక్ష‌న్స్‌ను ఓ ఆటాడుకున్నారు. ఇద్ద‌రికీ పాన్ ఇండి ఇమేజ్ బ్రాండ్ ఉంది. ఇక వీరి కాంబోలో రాబోతున్న సలార్ ఏ రేంజ్‌లో ఉండ‌బోతుందోన‌ని అంద‌రిలోనూ ఆసక్తి రోజు రోజుకీ పెరిగిపోతుంది. సినిమా పోస్ట‌ర్స్ ఇప్ప‌టి వరకు ఈ ఎగ్జ‌యిట్‌మెంట్‌ను పెంచుతూ వ‌చ్చాయి.అయితే ఫ్యాన్స్, ప్రేక్ష‌కులు సాలిడ్ సలార్ అప్డేట్ కోసం ఎదురు చూడ‌సాగారు. వారి ఎదురు చూపులు ఫ‌లించాయి. లేటెస్ట్‌గా హోంబలే ఫిలింస్ బ్యాన‌ర్ నుంచి సలార్ సినిమాకు సంబంధించిన అధికారిక ప్ర‌క‌ట‌న వ‌చ్చేసింది. జూలై 6న ఉద‌యం 5 గంట‌ల 12 నిమిషాల‌కు సలార్ టీజ‌ర్‌ను విడుదల చేయ‌బోత‌న్నారు. దీనికి సంబంధించిన అనౌన్స్మెంట్ పోస్ట‌ర్‌ను విడుదల చేశారు. ఇందులో ప్రభాస్ లుక్ వెనుక నుంచి తెలుస్తుంది. విల‌న్ గుండెల్లో హీరో గొడ్డ‌లిని దించాడు. తన వైపు వ‌స్తున్న మిగ‌తా విల‌న్స్ వైపు చూస్తున్నాడు. ఇది మాస్ కా బాప్ అనేలా ఉంది. పోస్ట‌రే ఈ రేంజ్‌లో ఉంటే టీజర్ ఇంకే రేంజ్‌లో ఉంటుందోన‌ని అంద‌రిలో ఎక్స్‌పెక్టేషన్స్ పెరిగిపోతున్నాయి.సలార్ సినిమా ప్ర‌పంచ వ్యాప్తంగా సెప్టెంబ‌ర్ 28న తెలుగు, హిందీ, త‌మిళ, క‌న్న‌డ, మ‌ల‌యాళ భాష‌ల్లో భారీ ఎత్తున్న రిలీజ్ కానుంది. ఇందులో శ్రుతీ హాస‌న్ క‌థానాయిక. హోంబలే ఫిలింస్ బ్యాన‌ర్‌పై విజ‌య్ కిర‌గందూర్ ఈ సినిమాను నిర్మిస్తున్నారు. ప్ర‌శాంత్ నీల్‌పై అంద‌రూ చాలా కాన్ఫిడెంట్‌గా ఉన్నారు. సినిమా బావుంటే మాత్రం బాక్సాఫీస్ రికార్డులను కొల్ల‌గొట్టేస్తుంద‌నే న‌మ్మ‌కంతో డార్లింగ్ ఫ్యాన్స్ ఉన్నారు.ఈ ఏడాది ఇప్ప‌టికే ఆదిపురుష్సినిమాతో ప్రభాస్ ప్రేక్ష‌కుల‌ను ప‌ల‌క‌రించారు. అయితే ఆ సినిమా ఆశించిన స్థాయిలో విజ‌యాన్ని అందుకోలేదు. అయితే ప్రభాస్ ఫ్యాన్స్ బాధ‌ను తీర్చ‌టానికి సలార్ రెడీ అయిపోతుంది. మ‌రో వైపు ప్రభాస్ ప్రాజెక్ట్ కె సినిమాను కూడా చేస్తున్నారు. ఈ రెండు చిత్రాల‌తో పాటు మారుతి ద‌ర్శ‌క‌త్వంలో సినిమాను సైలెంట్‌గా పూర్తి చేసే ప‌నిలో ఉన్నారు డార్లింగ్ ప్రభాస్.
