టాలీవుడ్లో రీ రిలీజ్ల ట్రెండ్ మరీ ఎక్కువైంది. పోటీ పడి మరీ.. స్టార్ హీరోల సినిమాలు రిలీజ్ చేయడం ఇప్పుడు విపరీతంగా కనిపిస్తోంది. అందులోనూ పవర్ స్టార్ పవన్ కళ్యాణ్ సినిమాలు రీ రిలీజ్ల పేరుతో.. థియేటర్ల వైపు దూసుకురావడం.. కామన్ అయిపోయింది.
ఇక ఇప్పటికే పవన్ కళ్యాణ్ బర్త్‌ డే సెప్టెంబర్ 2కు! ముందూ.. తర్వాత.. జల్సా, బద్రి, తమ్ముడు లాంటి పవర్ స్టార్ పవర్ ఫుల్ బ్లాక్ బాస్టర్ మూవీస్‌ రిలీజ్ అయ్యాయి. బాక్సాఫీస్ దగ్గర మళ్లీ కలెక్షన్ల వర్షం కురిపించాయి. ఇక వీటితో పాటు.. తాజాగా ఈ స్టార్ హీరోవి మరో రెండు సినిమాలు కూడా.. రీ రిలీజ్కు రెడీ అవుతున్నాయి. ఎస్ ! పవర్ స్టార్ పవన్ కళ్యాణ్ తొలిప్రేమ, గుడుంబా శంకర్ మూవీలు కూడా తాజాగా రీ రిలీజ్ కు రెడీ అవుతున్నాయి. తొందర్లో థియేటర్లలోకి వచ్చి.. మనల్నందర్నీ మరో సారి ఫిదా చేయనున్నాయి. ఇక ఇదే విషయం ఇప్పుడు పవన్ హార్డ్ కోర్‌ ఫ్యాన్స్ కు కిక్కిస్తోంది. ఇప్పటి నుంచి సోషల్ మీడియాలో హంగామా మొదలెట్టేలా కూడా చేసింది.
