టాలీవుడ్, బాలీవుడ్ సినీ జనాలతోపాటు పాన్ ఇండియా మూవీ లవర్స్‌ ఆసక్తిగా ఎదురుచూస్తున్న ప్రాజెక్ట్‌ వార్ 2 (War 2). స్పై జోనర్‌లో అయాన్‌ ముఖర్జీ డైరెక్ట్ చేస్తున్న ఈ మూవీలో జూనియర్ ఎన్టీఆర్‌ (Jr NTR), బాలీవుడ్ స్టార్ హీరో హృతిక్‌ రోషన్ (Hrithik Roshan) లీడ్ రోల్స్‌లో నటిస్తుండగా.. బాలీవుడ్ భామ కియారా అద్వానీ మెరువనుంది. షూటింగ్ దశలో ఉన్న ఈ సినిమాకు సంబంధించిన ఆసక్తికర వార్త ఒకటి ఇప్పుడు నెట్టింట వైరల్ అవుతోంది.
త్వరలోనే కొత్త షెడ్యూల్‌లో భాగంగా ఇటలీకి వెళ్లనుందట. సెప్టెంబర్‌ 18 నుంచి షురూ కానుండగా.. సుమారు 15 రోజులపాటు సాగనున్న ఈ షెడ్యూల్‌లో హృతిక్‌రోషన్‌-కియారా అద్వానీపై వచ్చే రొమాంటిక్ సాంగ్‌ను పలు అందమైన లొకేషన్లలో చిత్రీకరించనున్నారని బీటౌన్ సర్కిల్ సమాచారం. అంతేకాదు ఇటలీలో కొన్ని కీలక సన్నివేశాలను కూడా చిత్రీకరించనున్నారని ఇన్‌సైడ్‌ టాక్‌.
మేకర్స్‌ ఇప్పటికే షేర్ చేసిన వార్ 2 గ్లింప్స్ నెట్టింట వైరల్ అవుతూ సినిమాపై క్యూరియాసిటీ పెంచుతోంది. ఈ మూవీని 2025 ఆగస్టు 14న ప్రపంచవ్యాప్తంగా థియేటర్లలో గ్రాండ్‌గా విడుదల చేయనున్నట్టు ప్రకటించారు మేకర్స్‌. వార్ 2 YRF Spy Universeలో ఏక్తా టైగర్‌, టైగర్‌ జిందా హై, వార్, పఠాన్‌, టైగర్‌ 3 సినిమాల తర్వాత వస్తున్న ఆరో సినిమా. ఈ చిత్రంలో తార‌క్ నెగెటివ్‌ షేడ్స్‌తో సాగే స్పై రోల్‌లో క‌నిపించ‌నున్నాడ‌ని తెలుస్తోండగా.. దీనిపై రాబోయే రోజుల్లో క్లారిటీ రానుంది.
