పఠాకా… తెలుగులో బాణాసంచా..!!! దివాళీ వచ్చిందంటే చాలు.. అందరూ వీటిని పేల్చడమే పనిగా పెట్టుకుంటారు. పఠాకాతోనే దివాళీని.. రీసౌండ్‌ వచ్చేలా జరుపుకుంటారు.
కానీ సల్మాన్ ఖాన్ ఫ్యాన్స్ మాత్రం ఏకంగా టైగర్ 3 థియేటర్లోనే దివాళీ పఠాకాను పేల్చేశారు. టైగర్ 3 సినిమా చూసేందుకు వచ్చిన కొంత మంది సల్లూ భాయ్‌ హార్డ్ కోర్ ఫ్యాన్స్… వారి ప్రాణాలనే కాదు.. ఏకంగా థియేటర్లో ఉన్న అందరి ప్రాణాలతో చెలగాటం ఆడారు. సల్మాన్ ఎంట్రీ సీన్‌కు థియేటర్ దద్దరిల్లిపోవాలని అనుకున్నారో ఏమో కానీ.. ఏకంగా థియేటర్లోనే తారాజువ్వలను పేల్చేశారు. దాంతో … వాటి నుంచి వచ్చే నిప్పు రవ్వలు చల్లా చుదురుగా పడుతుండడంతో… సినిమా చూస్తున్న ఆడియెన్స్‌ ఒక్కాసారిగా బయటికి లగెత్తారు.
