సీనియర్ నటుడు నరేశ్-పవిత్ర లోకేశ్ జంటగా నటించిన 'మళ్లీ పెళ్లి' సినిమా ఈ నెల 26న రిలీజ్ కానుంది. తాజాగా రిలీజైన ట్రైలర్‌కు అయితే ఊహించిన దానికన్నా ఎక్కువ రెస్పాన్స్ వచ్చింది. అంకంటే నరేశ్ చేసిన కామెంట్ల్ ఇంకా వైరల్ అవుతున్నాయి.
"ఈ సినిమా నిజంగా అయితే ఒక 600 భాషల్లో తీయాలి.. జపనీస్, చైనా, ఇండోనేసియాలో కూడా తీయాలి.." ఏంటి ఈ డైలాగ్ విని ఇదేదో హాలీవుడ్ సినిమానో లేక ఆస్కార్ గెలిచిన చిత్రమో అనుకుంటున్నారా? అబ్బే అలాంటిదేం లేదండి. ఈ డైలాగ్ కొట్టింది మన నవరస రాయ నరేశ్ గారు. అదేనండి 'మళ్లీ పెళ్లి' అని పవిత్ర లోకేశ్‌తో కలిసి తీశారు కదా ఆ సినిమా గురించి. ఏంటి ఈ సినిమాలో అత్త సత్తా ఉందా అని అవాక్కవుతున్నారా.మరి నరేశ్ ధీమా చూస్తే అలానే కనిపస్తుంది. కానీ ఏమాటకు ఆ మాటే చెప్పుకోవాలి కానీ.. నిన్న (మే 11) రిలీజ్ అయిన ట్రైలర్‌కు మామూలు రెస్పాన్స్ రాలేదు. అసలు ఆ రొమాన్స్, డైలాగ్స్.. నరేశ్- పవిత్ర కెమిస్ట్రీ ఆ రేంజ్‌లో ఉన్నాయి. ఇంతకీ నిన్న ట్రైలర్ రిలీజ్ సందర్భంగా నరేశ్ ఏమన్నారో ఓ సారి చూద్దామా? "ఎందుకు కన్నడ, తెలుగులోనే తీశామంటే.. బేసిక్‌గా తను (పవిత్ర లోకేశ్) కన్నడలో పాపులర్.. నేను తెలుగులో పాపులర్.. కాబట్టి ఈ రెండు భాషల్లో కొంత కనెక్ట్ అవుతుంది అనే ఆలోచన. ఇది తీస్తే నిజంగా అయితే ఒక 600 భాషల్లో తీయాలి.. జపనీస్, చైనా, ఇండోనేసియాలో కూడా తీయాలి.. కానీ మాకు ఉన్నటువంటి పరిధిలో ఈ రెండు భాషల్లో వెళ్లగలమనే నమ్మకంతో తీశాం. గుడ్ న్యూస్ ఏంటంటే.. ఈ మధ్య టీజర్ రిలీజ్ అయిన తర్వాత ఇది తమిళ్‌లో డబ్ చేస్తారా అని నాకు ఫోన్లు వస్తున్నాయి.. ఎందుకంటే ఈ కాన్సెప్ట్ అందరికీ కనెక్ట్ అవుతుంది.. కచ్చితంగా ఎన్ని భాషల్లో అయితే అన్నీ.. ఇప్పటికైతే ఐదు భాషల్లో రిలీజ్ చేద్దామనుకుంటున్నాం.. భవిష్యత్తులో ఇంకా కుదిరితే మరిన్ని భాషల్లో కూడా రిలీజ్ చేస్తాం.."
నరేశ్ ఈ మాట చెప్పిన వెంటనే పక్కనే ఉన్న ఎమ్‌ఎస్ రాజు.."తమిళ్, హిందీ, మలయాళం డబ్బింగ్ ఆల్‌రెడీ స్టార్ అయిపోయింది.." అన్నారు. కానీ జపనీస్, చైనీస్, ఇండోనేసియాలో కూడా ఈ సినిమా తీయాలని నరేశ్ అన్నప్పుడు పవిత్ర మాత్రం తెగ సిగ్గు పడ్డారు. మరి దాని వెనక ఉన్న సీక్రెట్ ఏంటో నరేశ్‌కే తెలియాలి. సర్లే కానీ.. ట్రైలర్ అయితే రిచ్‌గా బావుంది.. మరి సినిమాను ఇంకెంత పకడ్బందీగా తీశారో.. నరేశ్ జీవితంలో అసలు ఏం జరిగిందో.. ఆయన వెర్షన్ ఏంటో రిలీజ్ అయిన తర్వాత చూడాలి మరి.!
