మోహ‌న్ బాబు కుమార్తె క‌దా.. నన్ను ఎవ‌రూ మోసం చేయలేర‌ని అనుకున్నాను. కానీ నా అనుకున్న‌వాళ్లే మోసం చేశారు.
అని ̊ఫీల్ అయ్యారు లక్ష్మీ మంచు. న‌టిగా, నిర్మాత‌గా ఉంటూనే సామాజికకంగా తన వంతు సేవ‌ను ఆమె చేస్తున్నారు. తాజాగా ఆమె రీసెంట్ ఇంట‌ర్వ్యూలో ప‌లు ఆస‌క్తిక‌ర‌మైన విష‌యాల‌ను తెలియజేశారు. అందులో నమ్మినవాళ్లే తనను మోసం చేశారని చెప్పి బాధపడ్డారు. ఇంత‌కీ ఇన్నేళ్ల మీ ప్ర‌యాణంలో మిమ్మ‌ల్ని ఎవ‌రైనా మోసం చేశారా? అని అడిగిన ప్ర‌వ్న‌కు లక్ష్మీ మంచు మాట్లాడుతూ.‘నన్ను జ‌నాలు మోసం చేసిన‌ప్పుడు చాలా బాధ అనిపిస్తుంది. మ‌న‌తో ఎవ‌రైనా ఓ మాట చెబితే, దానికొక విలువ ఉంటుంది. ఎందుకంటే మాట్లాడే వ్య‌క్తి నుంచి వ‌చ్చిన మాట అది. మోహ‌న్ బాబు అమ్మాయి అయిన‌ప్ప‌టికీ నన్ను కూడా మోసం చేశారు. నేను బ‌య‌ట‌కు చెప్ప‌కోలేను. ఎందుకంటే అలా చెబితే వాళ్ల‌ని ఫేమ‌స్ చేసిన‌ట్లు అవుతుంది. వాళ్లు చెత్తా చెదారం..నన్ను వాడుకుని వాళ్లు పైకి ఎదిగారు. అది కూడా తెలిసిన‌వాళ్లు. శత్రువుల‌తో మ‌నం ఎప్పుడూ దూరంగా ఉంటాం. న‌మ్మిన వాళ్లే మోసం చేస్తారు. అలా మోసం చేసిన‌ప్పుడు గుండె బ‌ద్ద‌లైన‌ట్లు ఉంటుంది.నేను చాలా బిజినెస్‌ల‌ను స్టార్ట్ చేశాను. నన్ను ప‌ట్ట‌ప‌గ‌లే దొంగ‌త‌నం చేసిన‌ట్లే చేశారు. వాళ్లు నాకు 30 ఏళ్ల నుంచి తెలుసు. ఫ్యామిలీ ఫ్రెండ్స్‌. వాళ్లు న‌న్నెందుకు మోసం చేస్తార‌నుకున్నాను . నేను యు.ఎస్‌లో ఉన్నప్పుడు నాకెప్పుడూ అలాంటి ప‌రిస్థితి ఎదురుకాలేదు. అక్క‌డ న‌చ్చ‌క‌పోతే ముఖం మీదే చెప్పేస్తారు. ఓపెన్‌గా ఉంటారు. ఇక్క‌డ మాత్రం చెప్పేదొక‌టి, చేసేదొక‌టి. ఇక్క‌డి మ‌నుషుల‌ను అంచ‌నా వేసేట‌ప్ప‌టికే ‘‘తూ నీ అ** బ‌తుకు అనిపించింది’’ అన్నారు.అలాగే జీవితంలో ఇది సాధించ‌టానికే పుట్టామ‌ని అనిపించిన క్ష‌ణాలేవీ అని అడిగితే కూతురు పుట్టిన‌ప్పుడు తనను చేతుల్లోకి తీసుకున్నాను. అప్పుడు ఈ ప్రేమే క‌దా మ‌న‌కు కావాల్సిందని అనిపించిందన్నారు లక్ష్మీ మంచు.
ప్ర‌స్తుతం ఆమె న‌టిస్తూ నిర్మిస్తోన్న చిత్రం ‘అగ్ని నక్షత్రం’. మోహ‌న్ బాబు ఇందులో కీలక పాత్ర‌లో క‌నిపించ‌నున్నారు.
