ఓటీటీలో అత్యంత ప్రాచుర్యం పొందిన క్రైమ్ థ్రిల్లర్ వెబ్‌సిరీస్‌లలో ‘మీర్జాపూర్’ మొదటి స్థానంలో ఉంటుంది. ఉత్తరప్రదేశ్‌లోని మీర్జాపూర్ నేపథ్యంలో సాగే ఈ వెబ్ సిరీస్ నుంచి ఇప్పటికే రెండు భాగాలు వచ్చాయి. ఆడియెన్స్‌ బాగా అలరించి బ్లాక్ బస్టర్‌గా నిలిచాయి. ముఖ్యంగా ఇందులోని మున్నా భయ్యా, గుడ్డు భయ్యాల పేర్లు బాగా ఫేమస్ అయ్యాయి. తెలుగు రాష్ట్రాల్లోనూ మీర్జాపూర్ సిరీస్‌కు చాలా మంది ఫ్యాన్స్‌ ఉన్నారు. వీరంతా మూడో సీజన్ కోసం ఆత్రుతగా ఎదురుచూస్తున్నారు. ఇప్పుడు వీరి నిరీక్షణకు తెరపడనుంది.
మేకర్స్‌ గుడ్ న్యూస్ చెప్పారు. తాజా ఈ సిరీస్‌కు సంబంధించిన టీజర్‌ను రిలీజ్ చేసిన చిత్ర బృందం స్ట్రీమింగ్ డేట్‌ను కూడా అధికారికంగా ప్రకటించింది. జులై 5వ తేదీ నుంచి ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్ వీడియోలో ఈ క్రైమ్ థ్రిల్లర్ సిరీస్ స్ట్రీమింగ్‌కు రానుంది. స్ట్రీమింగ్ డేట్‌తో పాటు పోస్టర్, టీజర్‌ను కూడా రిలీజ్ చేశారు మేకర్స్‌.
గుర్మీత్‌సింగ్‌ దర్శకత్వంలో రూపొందిన మీర్జాపూర్ సిరీస్‌లో పంకజ్ త్రిపాఠి, శ్రియ పిల్గోంగర్‌, శ్వేతా త్రిపాఠి, అలీ ఫజల్, దివ్యేందు శర్మ, హర్షిత గౌర్‌, విజయవర్మ తదితరులు ప్రధాన పాత్రలు పోషించారు. 2018 నవంబరు 16న మీర్జాపూర్ సీజన్ 1 రిలీజైంది. దానికి సీక్వెల్‌గా 2020 అక్టోబరు 23న రెండో సీజన్ విడుదలైంది. ఇప్పుడు సుమారు నాలుగేళ్ల తర్వాత జులై 5న మీర్జాపూర్-3 ప్రేక్షకుల ముందుకు రానుంది. ‘మీర్జాపూర్ సీజన్ 3 కోసం రంగం సిద్ధమైంది. తేదీని గుర్తు పెట్టుకోండి. నాలుగు సంవత్సరాల సుదీర్ఘ విరామం తర్వాత, ‘మీర్జాపూర్ 3’ జూలై 5, 2024 న విడుదల కానుంది. ఇందులో కాలిన్ భయ్యా పాత్రలో పంకజ్ త్రిపాఠి కనిపించనున్నాడు. ఇక గుడ్డు భయ్యా పాత్రలో అందరికీ ఇష్టమైన అలీ ఫజల్ కనిపించనున్నాడు. ఇది కాకుండా ప్రైమ్ షేర్ చేసిన పోస్టర్‌లో రసిక దుగ్గల్, విజయ్ వర్మ, శ్వేతా త్రిపాఠి, ఇషా తల్వార్, అంజుమ్ శర్మ తదితరులు కనిపించారు.
