‘క‌న్న‌ప్ప’ నుంచి మ‌రో పాత్రను రివీల్ చేసిన మేక‌ర్స్..

ప్ర‌స్తుతం ఈ సినిమా షూటింగ్ శ‌ర‌వేగంగా జ‌రుపుకుంటుంది. ఈ మూవీని డిసెంబ‌ర్‌లో ప్రేక్ష‌కుల ముందుకు తీసుకురావ‌డానికి మేక‌ర్స్ ప్లాన్ చేస్తున్నారు. అయితే ఈ సినిమాకు సంబంధించి ఒక్కొక్క క్యారెక్ట‌ర్‌ను చిత్ర‌యూనిట్ విడుద‌ల చేస్తున్న విష‌యం తెలిసిందే. ఇప్ప‌టికే త‌మిళ న‌టుడు శ‌ర‌త్ కుమార్ నాథనాధుడు (Nathanadhudu) అనే పాత్ర‌లో న‌టిస్తున్న‌ట్లు ప్ర‌క‌టించిన క‌న్న‌ప్ప టీం ఆ త‌ర్వాత సినీయ‌ర్ న‌టి మ‌ధుబాల ‘పన్నగ’ (Pannaga) అనే చెంచుల దొరసాని పాత్ర‌లో క‌నిపించ‌బోతుంద‌ని..

తెలుగు సినీయ‌ర్ న‌టుడు దేవ‌రాజ్ ‘ముండ‌డు’ (Mundadu) అనే ఎరుక‌ల దొర(Erukala Dora) పాత్ర‌లో న‌టిస్తున్న‌ట్లు ప్ర‌కటించింది.

ఇప్పుడు తాజాగా మ‌రో పాత్ర‌ను విడుద‌ల చేసింది క‌న్న‌ప్ప టీం. ఈ సినిమాలో న‌టుడు సంప‌త్ రామ్ భిల్లు జాతి దొర చండుడు అనే పాత్ర‌లో న‌టిస్తున్న‌ట్లు ప్ర‌క‌టించింది. అడవినే భయభ్రాంతుల్ని చేసే భీకర జాతి. నల్ల కనుమ నేలలో పుట్టారు. మొసళ్ళ మడుగు నీరు తాగి పెరిగారు. భిల్ల జాతి అధినేత చండుడు. రాతి గొడ్డ‌ళ్లే వీరి ఆయుధం. శ‌త్రువుల ర‌క్తంతోనే అభిషేకం అంటూ కొత్త పోస్ట‌ర్‌ను విడుద‌ల చేశారు.