మహేష్ చేతుల మీదుగా ‘మామా మశ్చీంద్ర’ ట్రైలర్ రిలీజ్ ..

టాలీవుడ్ ఇండస్ట్రీలో ఎప్పటికప్పుడు విభిన్న కథలతో ప్రేక్షకులను అలరించేందుకు ముందుంటున్నారు టాలెంటెడ్ హీరో సుధీర్ బాబు. ప్రతి సినిమాను సరికొత్తగా ప్రేక్షకుల ముందుకు తీసుకువస్తూ.. నటనతో ఆకట్టుకుంటున్నారు. తాజాగా ఆయన ప్రధాన పాత్రలో నటిస్తోన్న సినిమా మామా మశ్చీంద్రా. ఇందులో సుధీర్ బాబు ట్రిపుల్ రోల్ చేస్తున్నారు. గతంలో ఈ మూవీ నుంచి నుంచి విడుదలైన పోస్టర్స్, టీజర్ ఆకట్టుకున్నాయి. ఇప్పటికే షూటింగ్ కంప్లీట్ చేసుకున్న ఈ చిత్రం అక్టోబర్ 6న అడియన్స్ ముందుకు వచ్చేందుకు సిద్ధమయ్యింది. ఓవైపు పోస్ట్ ప్రొడక్షన్ పనులు జరుగుతుండగా.. మరోవైపు సినిమా ప్రచార కార్యక్రమాలు స్టార్ట్ చేసింది చిత్రయూనిట్. ఈ క్రమంలోనే తాజాగా ఈ మూవీ ట్రైలర్ ను సూపర్ స్టార్ మహేష్ బాబు రిలీజ్ చేశారు.