లయన్ కింగ్ సినిమాకు ఇండియాలో కూడా ఫ్యాన్స్ ఉన్న విషయం తెలిసిందే. ది లయన్ కింగ్ చిత్రం ఇండియాలో మంచి క‌లెక్ష‌న్లు సాధించింది. అయితే ఈ సినిమాకు తెలుగుతో పాటు హిందీ తదిత‌ర భాష‌ల్లో అక్క‌డి న‌టుల‌తో డ‌బ్బింగ్ చెప్పిస్తున్నారు మేక‌ర్స్. ఇప్ప‌టికే హిందీలో షారుఖ్ ఖాన్ ముఫాసా పాత్రకు డ‌బ్బింగ్ చెప్పగా.. తాజాగా తెలుగులో అగ్రకథానాయకుడు మహేశ్ బాబు తన గాత్రాన్ని అందించారు. ఈ మూవీలో అడ‌వి రాజు అయిన ముఫాసా పాత్రకు మహేశ్ డ‌బ్బింగ్ చెప్పగా.. పుంబా కోసం బ్రహ్మానందం, టిమోన్‌ పాత్ర కోసం అలీ తమ వాయిస్‌ను అందిస్తున్నారు. తాజాగా తెలుగు వెర్ష‌న్‌కు సంబంధించిన ట్రైల‌ర్‌ను మహేశ్ బాబు ఎక్స్ వేదిక‌గా విడుద‌ల చేశారు. తెలుగులో ముఫాసా పాత్రకు వాయిస్‌ని అందించినందుకు చాలా సంతోషంగా ఉంది. ఇది నాకు చాలా ప్ర‌త్యేక‌మైన‌ది అంటూ ప్రిన్స్ రాసుకోచ్చాడు.
ఈ సినిమా క‌థ విష‌యానికి వ‌స్తే.. మొద‌టి రెండు (The Lion King) పార్ట్‌లలో అడవికి రారాజుగా ఉన్న ముఫాసా తన రాజ్యాన్ని కాపాడుతూ ఉండ‌డం అత‌డికి సింబా అనే కుమారుడు జ‌న్మించ‌డం చూడ‌వ‌చ్చు. అయితే ఈ ప్రీక్వెల్‌లో ముఫాసా అడవికి రాజుగా అస‌లు ఎలా ఎదిగాడు అత‌డికి సోదరుడు ఉన్న టాకా ఎలా చ‌నిపోయాడు. అలాగే ముఫాసా చంపాల‌ని చూస్తున్నా స్కార్ ఏం చేశాడు అనేది సినిమా స్టోరీ. ఫొటో రియలిస్టిక్‌ టెక్నాలజీతో వ‌స్తున్న ఈ సినిమాకు అకాడమీ అవార్డ్ విజేత బేరీ జెంకిన్స్‌ దర్శకుడు ఆరోన్‌ స్టోన్‌, కెల్విన్‌ హ్యారిసన్‌ జూనియర్‌ తదితరులు కీలక పాత్ర‌ల్లో న‌టిస్తున్నారు.
Comments