లోకనాయకుడు కమల్ హాసన్ సినిమాలకు సపరేట్ క్రేజ్ ఉంటుంది. ఎలాంటి పాత్రలైన అవలీలగా చేసే కమల్ హాసన్ చివరిగా విక్రమ్ సినిమాతో భారీ హిట్ అందుకున్నాడు. లోకేష్ కానగరాజ్ దర్శకత్వంలో వచ్చిన విక్రమ్ సినిమా కంప్లీట్ యాక్షన్ ఎంటర్టైనర్ గా తెరకెక్కిన ఈ సినిమా భారీ హిట్ గా నిలిచింది. ఇక ఇప్పుడు టాప్ డైరెక్టర్ శంకర్ దర్శకత్వంలో భారతీయుడు 2 సినిమా చేస్తున్నాడు. దాదాపు 23 ఏళ్ల క్రితం తెరకెక్కిన భారతీయుడు సినిమాకు సీక్వెల్ గా ఈ సినిమాను ప్రేక్షకుల ముందుకు తీసుకురానున్నారు. ఈ సినిమాలో కమల్ హాసన్ డ్యూయల్ రోల్ లో కనిపించనున్నారని టాక్ వినిపిస్తుంది. ఇదిలా ఉంటే ఈ మూవీ ఎప్పుడో అనౌన్స్ చేశారు. కానీ సినిమా షూటింగ్ వాయిదా పడుతూ వస్తుంది. ఇప్పుడు శరవేగంగా షూటింగ్ జరుపుకుంటున్న ఈ సినిమా త్వరలోనే ప్రేక్షకుల ముందుకు రానుంది.
ఈ సినిమా ప్రీ రిలీజ్ ఈవెంట్ ను గ్రాండ్ గా జరపనున్నారు శంకర్. ఈ ఈవెంట్ చెన్నై లో నిర్వహించనున్నారు. ఈ కార్యక్రమానికి చాలా మంది సినీ సెలబ్రెటీలు హాజరుకానున్నారని తెలుస్తోంది. అన్ని ఇండస్ట్రీల నుంచి సూపర్ స్టార్స్ ఈ ఈవెంట్ కు హాజరుకానున్నారని టాక్. తెలుగు ఇండస్ట్రీ నుంచి చిరంజీవి, రామ్ చరణ్, బాలీవుడ్ నుంచి యంగ్ హీరో రణవీర్ సింగ్ , అలాగే మలయాళ ఇండస్ట్రీ నుంచి మోహన్ లాల్ ఇలా చాలా మంది ఈ ఈవెంట్ కు హాజరు కానున్నారని తెలుస్తోంది.
శంకర్ భారతీయుడు సినిమాను ఎంతో ప్రతిష్టాత్మకంగా తెరకెక్కిస్తున్నారు. ఈ సినిమాలో కాజల్ అగర్వాల్, రకుల్ ప్రీత్ సింగ్ హీరోయిన్స్ గా నటిస్తున్నారు. అలాగే సిద్దార్థ్ మరో కీలక పాత్రలో నటిస్తున్నాడు. జూన్ 1న భారతీయుడు 2 ప్రీ రిలీజ్ ఈవెంట్ ను నిర్వహించనున్నారని తెలుస్తోంది. ఈ సినిమాను జులై 12న తెలుగు, తమిళంతోపాటు హిందీ భాషలో ప్రేక్షకుల ముందుకుతీసుకురానున్నారు. ఈ సినిమాతో పాటు శంకర్ రామ్ చరణ్ తో గేమ్ ఛేంజర్ అనే సినిమా కూడా చేస్తున్నారు. ఈ సినిమా షూటింగ్ కూడా శరవేగంగా జరుగుతోంది. భారతీయుడు 2 సినిమా ఏ రేంజ్ లో ప్రేక్షకులను అలరిస్తుందో చూడాలి.
