ఫ్లోరిడాలో జరుగనున్న టీ20 వరల్డ్ కప్ 2024 లీగ్ మ్యాచ్ ఇండియా వర్సెస్ కెనడా (India vs Canada)కు వర్షం ఆందోళన కలిగిస్తోంది. ఈరోజు టీమ్ ఇండియా ప్రాక్టీస్ కూడా వర్షం కారణంగా రద్దు చేశారు. వాతావరణ శాఖ నివేదిక ప్రకారం.. రేపు కూడా భారీ వర్షాలు కురుస్తాయని సమాచారం. కాబట్టి, మ్యాచ్ జరగడం అనుమానమే. అయితే వర్షం అనుమతి ఇస్తే.. టీమ్ ఇండియా ఏ ప్లేయింగ్ ఎలెవన్‌తో బరిలోకి దిగుతుంది? అనేది ఆసక్తికరంగా మారింది. ముఖ్యంగా ఓపెనర్లు మారతారా అనే ప్రశ్న తలెత్తుతోంది.
టీ20 ప్రపంచకప్‌లో ఇండియా వరుసగా మూడు మ్యాచ్‌లు గెలిచినా జట్టులో సమతూకం లేదు. ఓపెనర్లు శుభారంభం చేయడంలో విఫలమవుతున్నారు. ఐపీఎల్‌లో అత్యధిక పరుగులు చేసి ఆరెంజ్ క్యాప్ గెలుచుకున్న కోహ్లి.. ఆడిన మూడు మ్యాచ్‌ల్లో పేలవ ప్రదర్శన చేశాడు. ఇప్పటి వరకు మూడు మ్యాచ్‌ల్లో 1.66 సగటుతో ఐదు పరుగులు మాత్రమే చేశాడు.
కోహ్లి తొందరగానే ఔట్ అవుతుండటంతో భారత జట్టుకు శుభారంభం లభించడం లేదు. రిషబ్ పంత్, సూర్యకుమార్ యాదవ్ వంటి బ్యాట్స్‌మెన్ కోహ్లి పేలవ ప్రదర్శనను భర్తీ చేయడంలో విజయం సాధించారు. ఐర్లాండ్, పాకిస్థాన్‌లపై అద్భుతమైన ఫామ్‌లో ఉన్న పంత్ వరుసగా 36, 42 పరుగుల ఇన్నింగ్స్‌లు ఆడి భారత్ విజయంలో కీలక పాత్ర పోషించాడు.
సూర్యకుమార్ యాదవ్ అమెరికాపై విజయవంతమైన హాఫ్ సెంచరీ సాధించాడు. శివమ్ దూబే కూడా 35 బంతుల్లో 31 పరుగులు చేశాడు. దీని కారణంగా అతను సంజు శాంసన్, యశస్వి జైస్వాల్ కంటే ప్రాధాన్యతనిస్తాడని భావిస్తున్నారు. ఆల్‌రౌండర్ల జాబితాలో జడేజా, అక్షర్ పటేల్, హార్దిక్ పాండ్యా మంచి ప్రదర్శన చేశారు.
పేలు ఫామ్‌లో ఉన్న ఆటగాళ్లు మళ్లీ ఫామ్‌లోకి వస్తున్నారు. కోహ్లి ఓపెనర్‌గా పాత ఫామ్‌లోకి వస్తే, టీమిండియా మరింత పటిష్టంగా ఉంటుంది. కెనడాతో మ్యాచ్ టీమ్ ఇండియాకు లాంఛనప్రాయమైనది. పేలవమైన ఫామ్‌లో ఉన్న ఆటగాళ్లను మినహాయించి జట్టు బెంచ్‌పై ఆటగాళ్లను ప్రయత్నించవచ్చు. అయితే వరుసగా మూడు మ్యాచ్‌లు గెలిచిన జట్టులో మార్పు చేసేందుకు సెలక్షన్ బోర్డు ముందుకు వచ్చే అవకాశాలు తక్కువ.
コメント