సీతారామం సినిమాతో తెలుగు అడియన్స్ హృదయాల్లో ప్రత్యేక స్థానం సంపాదించుకుంది హీరోయిన్ మృణాల్ ఠాకూర్. తొలి చిత్రంతోనే కథానాయికగా ప్రశంసలు అందుకున్న మృణాల్ ఆ తర్వాత మాత్రం తెలుగులో వరుస ఆఫర్స్ అందుకుంటూ స్టార్ డమ్ సొంతం చేసుకుంది.
మొదట్లో బుల్లితెరపై పలు సీరియల్స్ చేసిన ఈ బెంగాలీ బ్యూటీ.. ఆ తర్వాత మాతృభాషతోపాటు హిందీలో పలు సినిమాల్లో నటించింది. హిందీలో సూపర్ 30, జెర్సీ చిత్రాల్లో నటించింది. తెలుగులో సీతారామం సినిమాతో సీతామహాలక్ష్మీ పాత్రతో మరింత దగ్గరయ్యింది.
ఈ మూవీ తర్వాత హాయ్ నాన్న, ఫ్యామిలీ స్టార్ చిత్రాలతో సూపర్ హిట్స్ అందుకుంది. కానీ ఆతర్వాత తెలుగులో మృణాల్ కు అవకాశాలు తగ్గిపోయాయి. ఇటీవలే తమిళంలో హీరో శివకార్తికేయన్ కు జంటగా నటించే అవకాశం కూడా చేజార్చుకుందనే ప్రచారం జరిగింది.
అయితే ఇప్పటివరకు హోమ్లీ పాత్రలతో ప్రేక్షకులకు దగ్గరైన మృణాల్, కెరీర్ మొదట్లో లిప్ లాక్ సన్నివేశాల్లో నటించి తల్లిదండ్రులకు షాకిచ్చిందట. అలాంటి సన్నివేశాల్లో నటించడాన్ని మృణాల్ ఠాకూర్ తల్లిదండ్రులు తీవ్రంగా వ్యతిరేకించారట.
దీంతో లిప్ లాక్ సన్నివేశాల్లో నటించకూడదని అనుకున్నారట. దీంతో పలు అవకాశాలను కోల్పోయానని అన్నారు. ఆ తర్వాత తల్లిదండ్రులను ఒప్పించి ముద్దు సన్నివేశాల్లో నటించడం తనకు అవసరమని తెలిపిందట.
