ఇలా చేస్తే ఇంటర్నెట్ లేకున్నా YouTube వీడియోలు చూడొచ్చు..

ప్రస్తుతం ప్రతి ఒక్కరి ఇంట్లో స్మార్ట్‌ఫోన్ కచ్చితంగా ఉంటుందనడంలో ఎలాంటి అతిశయోక్తి లేదు. అయితే స్మార్ట్‌ఫోన్ వాడే వారందరికీ యూట్యూబ్ గురించి ప్రత్యేకంగా చెప్పనక్కర్లేదు. అందులో తమ అభిమాన నటీనటుల నుంచి కామెడీ, సాంగ్స్, గేమ్స్ ఇంకా మల్టీ కేటగీరీలకు సంబంధించిన వీడియోలు అందుబాటులో ఉంటాయి. అందుకే చాలా మంది రోజులో ఒక్కసారైనా YouTube యాప్‌ను ఓపెన్ చేస్తారు. అయితే దీన్ని ఎక్కువ సమయం చూడటం వల్ల డేటా త్వరగా అయిపోతుంది. అందుకే డేటా సేవ్ చేసుకోవడానికి లేదా డేటా అయిపోయినా కూడా YouTube వీడియోలను ఎలా చూడాలనే ఆసక్తికరమైన విషయాలను ఇప్పుడు తెలుసుకుందాం... మనం స్మార్ట్‌ఫోన్లో యూట్యూబ్ ఓపెన్ చేయాలంటే నెట్ కచ్చితంగా ఉండాలి. అందులో వీడియోలను చూడాలంటే కూడా డేటా వినియోగం చాలా వేగంగా అయిపోతుంది. అయితే మీకు డేటా ఖర్చు కాకూడదంటే.. YouTube ఆఫ్‌లైన్ మోడ్ ఆన్ చేయాలి. ఈ ఆప్షన్‌ని ఆన్ చేయడం వల్ల ఎక్కువ డేటా వినియోగం కాదు. అంతేకాదు మీకు కావాల్సినప్పుడుల్లా మీరు ఆ వీడియోను ప్లే చేయొచ్చు. కొన్ని పాటలను పదే పదే వినేవారు.. కొన్ని వీడియోలను అదే పనిగా చూసేవారి కోసం ఈ ఆప్షన్ బాగా ఉపయోగపడుతుంది. ఈ వీడియోలన్నింటినీ పదే పదే చూసేవారు ఇంటర్నెట్ ఎక్కువగా ఖర్చు చేయాల్సిన పనిలేదు. ఆ వీడియో కింద డౌన్‌లోడ్ ఆప్షన్ ఉంటుంది. దాని మీద క్లిక్ చేసి డౌన్‌లోడ్ చేసిన తర్వాత వాటిని ఆఫ్‌లైన్‌లో చూడొచ్చు.YouTubeని ఓపెన్ చేసి, మీరు ఆఫ్‌లైన్‌ మోడ్‌లో సేవ్ చేయాలనుకుంటున్న వీడియోను ప్లే చేయండి.ఆ వీడియో కింద డౌన్‌‌లోడ్ ఆప్షన్ ఉంటుంది. దాని మీద క్లిక్ చేయండి.ఆ వీడియోను ఎంత క్వాలిటీలో సేవ్ చేయాలనుకుంటున్నారు అనే ఆప్షన్ కనిపిస్తుంది.తక్కువ(144P), మీడియం(240P), హై రేంజ్(720P) ఆప్షన్స్ కనిపిస్తాయి.అప్పుడు వీడియో క్వాలిటీ ఎంత ఎక్కువగా ఉంటే, డౌన్‌లోడ్ చేయడానికి అంత ఇంటర్నెట్ అవసరం అవుతుంది.డౌన్‌లోడ్ చేసిన తర్వాత, వీడియో ఎక్కడైనా, ఎప్పుడైనా ప్లే చేయొచ్చు.ఎన్ని వీడియోలను సేవ్ చేయొచ్చు..మీరు YouTube ఆఫ్‌లైన్ మోడ్‌లో డౌన్‌లోడ్ చేసే వీడియోలు మీ ఫోన్ ఇంటర్నల్ స్టోరేజీలో సేవ్ చేయబడతాయి. కాబట్టి డౌన్‌లోడ్‌కి ఎలాంటి లిమిట్ లేదు. ఆఫ్‌లైన్ మోడ్‌లో మీకు నచ్చినన్ని వీడియోలను సేవ్ చేసుకోవచ్చు. అయితే దీని కోసం మీ ఫోన్లో స్టోరేజీ తప్పనిసరిగా ఉండాలి.స్మార్ట్ డౌన్‌లోడ్ ఫీచర్..మీరు నెలవారీగా డబ్బులు చెల్లించి యూట్యూబ్ ప్రీమియం మెంబర్ షిప్ తీసుకుంటే.. స్మార్ట్ డౌన్‌లోడ్ ఫీచర్ అందుబాటులోకి వస్తుంది. ఇది మీ YouTube వీడియో ప్లే లిస్టుకు జోడించబడుతుంది. మీరు దీన్ని ఆఫ్‌లైనులో చూడొచ్చు. వీడియోలతో పాటు యూట్యూబ్ మ్యూజిక్ కూడా డౌన్‌లోడ్ చేసుకోవచ్చు.