🫠తెలంగాణ కాంగ్రెస్ ప్రస్తుతం ఫుల్ జోష్ మీదుంది. ఓ వైపు చేరికలు మరోవైపు అధిష్టానం వ్యూహాలతో రోజురోజుకు బలాన్ని పెంచుకుంటుంది. రాష్ట్రంలో అధికారమే లక్ష్యంగా పావులు కదుపుతుంది.ఈ క్రమంలో కాంగ్రెస్ సీఎం అభ్యర్థి ఎవరనే ప్రశ్న రాజకీయ వర్గాల్లో తరచూ వినిపిస్తుంది.
హైకమాండ్ నిర్ణయానికి కట్టుబడి తాము ఉంటామని రేవంత్ సహా పలువురు నేతలు చెబుతూ వస్తున్నారు.🕵️ఇక అమెరికా తానా సభలో పాల్గొన్న టీపీసీసీ చీఫ్ రేవంత్ రెడ్డి సీఎం ఎవరనే దానిపై కీలక వ్యాఖ్యలు చేశారు.అవసరమైతే సీతక్కను కూడా సీఎంను చేస్తామని సంచలన వ్యాఖ్యలు చేశారు. రాబోయే రోజుల్లో రాష్ట్రంలో దేశంలో అధికారంలోకి రాబోయేది కాంగ్రెస్ పార్టీనేనని అన్నారు.ప్రజల కోసం ఏమైనా చేస్తామని..పార్టీని పవర్ లోకి తీసుకొచ్చేందుకు కలిసికట్టుగా శ్రమిస్తామని తెలిపారు. ఈ క్రమంలో దళితులు, గిరిజనులకు ఉప ముఖ్యమంత్రి పోస్ట్ ఇవ్వాలని ఎన్నారైలు రేవంత్ ను కోరారు.కాంగ్రెస్ పార్టీ అందరికీ అవకాశాలు ఇస్తుందని..అవసరమైతే సీతక్కను సీఎంను కూడా చేస్తుందని రేవంత్ చేసిన వ్యాఖ్యలు ఇప్పుడు హాట్ టాపిక్ గా మారాయి.
