నాన్‌స్టిక్ తవా, కడాయిలు కిచెన్‌లో ముఖ్య వస్తువులు. వీటిని రెస్టారెంట్‌లో కూడా దోశలు క్రిస్పీగా, మృదువుగా వచ్చేందుకు వాడతారు. అయితే, వీటిని వాడడం వరకూ ఓకే కానీ, కొన్ని రోజులకి వాటిపై ఉన్న లేయర్ పోయి చూడ్డానికి బాగోవు. అలాంటి ప్యాన్స్‌ని వాడకపోవడమే మంచిది. అలా అవ్వకుండా ఇవి ఎక్కువ రోజులు రావాలంటే కొన్ని టిప్స్ పాటించాలి. అవేంటో ఇప్పుడు తెలుసుకుందాం.
నాన్‌స్టిక్ ప్యాన్స్..
నాన్ స్టిక్ ప్యాన్స్ వాడడాన్ని చాలా మంది ఇంట్లో కామన్ అయిపోయింది. అయితే, వీటిని క్లీన్ చేసేటప్పుడు జాగ్రత్లు తీసుకోవాలి. ఇతర గిన్నెల్లా వీటిని తోమకూడదు. ఇలా చేస్తే వాటిపై కోటింగ్ పోతుంది. అలా కాకుండా ఉండేందుకు కొన్ని టిప్స్‌ని ఫాలో అవ్వండి.
నాన్ స్టిక్ తవ్వా..
నాన్ స్టిక్ వాడేటప్పుడు నూనె వాడొద్దొని చెబుతారు. కానీ, మీరు కొద్ది మొత్తంలో నూనెని వాడొచ్చు. కొంచెం నూనె తీసుకుని అన్ని వైపులా రుద్దాని. ఆ తర్వాత పేపర్ తీసుకుని బాగా తుడిచి దోశ కాల్చండి.
మెటల్ స్పూన్స్..
వీటిని వాడేటప్పుడు మెటల్ స్పూన్స్, కత్తులని వాడొద్దు. పదునైన కత్తులని వాడడం వల్ల నాన్ స్టిక్ తవాపై లేయర్ పోతుంది. కాబట్టి, ఈ ప్యాన్స్‌పై చెక్క స్పూన్లు, సిలికాన్ స్పూన్స్ వాడండి.
ముందుగా సబ్బు నీటితో కడగడం..
అదే విధంగా నాన్ స్టిక్ తవా కొని వాడేటప్పుడు దానిని సబ్బు నీటితో క్లీన్ చేయొచ్చు. తర్వాత మెత్తని స్పాంజితో స్క్రబ్ చేయండి. ఇది మొత్తంగా ఆరిన తర్వాత క్లీన్ చేయాలి. నాన్ స్టిక్ ప్యాన్స్ తక్కువ, మధ్యస్థ వేడికి అనుకూలంగా ఉంటాయి. ఎక్కువ టెంపరేచర్ సరికాదు.
ఎసిటిక్ ఫుడ్స్..
అదే విధంగా ఈ ప్యాన్స్‌లో టమాటలు, నిమ్మకాయల వంటి ఆహారాలు వాడకపోవడమే మంచిది. ఇవి నాన్ స్టిక్ తవా బేస్‌ని నాశనం చేస్తాయి. నాన్ స్టిక్ కుక్‌వేర్‌లో అధిక ఆమ్ల ఆహారాలను వండడం మానేయండి. ఎందుకంటే, అవి కుకింగ్‌వేర్ ఎనామిల్‌ని తొలగిస్తాయి.
ఉంచే స్థలం..
అదే విధంగా కిచెన్‌లో ఈ కుక్‌వేర్‌ని ప్లేస్ చేసే స్థలం కూడా సరిగ్గా ఉండాలి. పదునైన అంచులు ఉన్న కంటెయినర్ మధ్యలో వీటిని పెట్టొద్దు. వీటన్నింటి సపరేట్ ప్లేస్‌లో పెట్టండి. ఇవి నాన్ స్టిక్ ప్యాన్స్‌పై గీతలు పడకుండా చేస్తుంది.
వండిన వెంటనే..
అదే విధంగా వీటిని వండిన వెంటనే నీటిలో వేయొద్దు. ఇది చల్లగా అయ్యాక అందులో నీరు వేసి క్లీన్ చేయండి. ఇలా చేస్తే ఆ ప్యాన్ కోట్ పోదు. ఎక్కువ రోజులు ఉంటుంది.
