పవర్లోకొచ్చాక పవన్ ఎలా పని చేస్తున్నారు..?

పవన్ కల్యాణ్ రాజకీయ అధ్యాయంలో ఓ సరికొత్త పేజీ. అప్పటి వరకు పదేళ్లుగా పోరాటాలకే పరిమితమైన ఆయన తొలిసారిగా పాలించే బాధ్యతలు తీసుకున్నారు. అసెంబ్లీ ఎన్నికల్లో చారిత్రక విజయంతో డిప్యూటీ సీఎం సహా కీలక శాఖలకు మంత్రి అయ్యారు. మంత్రులుగా ఎంత మంది నేతలు బాధ్యతలు స్వీకరించినా.. వాళ్లు వేరు.. పవన్ కల్యాణ్ వేరు. ఇది జనం మాట. సిల్వర్ స్క్రీన్ హీరో.. రియల్ హీరోగా ఎలా పని చేస్తారని.. తాను తీసుకున్న బాధ్యతలకు ఎలా న్యాయం చేస్తారని..? మరి కొద్ది రోజుల్లో ఆయన డిప్యూటీ సీఎంగా పంచాయతీ రాజ్, గ్రామీణాభివృద్ధి, నీటి సరఫరా, అటవీ పర్యావరణ, శాస్త్రసాంకేతిక మంత్రిగా బాధ్యతలు తీసుకొని దాదాపు 2 నెలలు పూర్తవుతుంది. మరి ఈ రెండు నెలల్లో ఆయన పని తీరు ఎలా ఉంది..? జనం ఆశలకు తగ్గట్టుగానే పని చేస్తున్నారా..? ఓ సారి చూసే ప్రయత్నం చేద్దాం.

పవన్ చేతులో కీలక శాఖలుఎన్నికల ముందు ప్రజాసమస్యలపై పోరాటాలుఅధికారం చేపట్టాక శాఖలపై పట్టు పెంచుకునే ప్రయత్నంకూటమితో కలిసి అధికార భాగస్వామ్యంలోకి జనసేన వచ్చి 2 నెలలు పూర్తయ్యింది. మరి కొద్ది రోజుల్లో పవన్ కల్యాణ్ పాలనా బాధ్యతలు స్వీకరించి కూడా 2 నెలలు పూర్తికానుంది. అధికారంలో ఉన్న జనసేనకు ఇప్పుడు కీలకమైన పోర్ట్ ఫోలియోలు ఉన్నాయి అందులో పవన్ పంచాయతీరాజ్ ,గ్రామీణ అభివృద్ధి, నీటి సరఫరా, అటవీ, పర్యావరణ ,శాస్త్ర సాంకేతిక మంత్రిగా బాధ్యతలు చేపట్టారు… ఎన్నికల ముందు రాష్ట్ర వ్యాప్తంగా ప్రజా సమస్యలపై విస్తృతంగా పర్యటనలు చేసి పోరాటాలు చేశారు పవన్ కళ్యాణ్. అధికారంలోకి వచ్చిన తర్వాత ప్రజలకు మరింత చేరువుగా ఉండేలా తీసుకున్న శాఖపై అదే స్థాయిలో సమీక్షలు నిర్వహిస్తూ ఆయా శాఖలపై పట్టు పెంచుకోవడానికి అన్ని ప్రయత్నాలు చేశారు. ఆ తర్వాత ఇప్పుడు తాను అనుకున్న విధానాలను ఆచరణలో పెట్టే ప్రయత్నం మొదలు పెట్టారు.

ఫస్ట్ పంచాయతీ రాజ్ శాఖ విషయం చూద్దాం.. పంచాయతీలు, సర్పంచుల వ్యవస్థ బలోపేతానికి కూటమి ప్రభుత్వం కట్టుబడి ఉంటుంది అని పదే పదే చెబుతున్న పవన్ గ్రామీణ వ్యవస్థకు జీవం పోసేలా కీలకమైన నిర్ణయాలు తీసుకున్నారు. ఆర్థికంగా పంచాయతీలను పరిపుష్టం చేసేలా పంచాయతీలను, ప్రజలతో ప్రత్యక్షంగా ఎన్నుకునే సర్పంచుల వ్యవస్థను బలోపేతం చేసేవిధంగా అడుగులు వేస్తున్నారు. గ్రామాలకు జీవం పోసేలా సౌకర్యాల కల్పనకు ముందడుగు వెయ్యటమే లక్ష్యంగా ముందుకు వెళ్తున్నారు.