గత కొన్ని రోజులుగా టీమిండియా స్టార్ ఆల్ రౌండర్ హార్దిక్ పాండ్యా ప్రొఫెషనల్, పర్సనల్ లైఫ్‌లో ఒడిదొడుకులు ఎదుర్కొంటున్నారు. హార్దిక్ వ్యక్తిగత జీవితం ఇప్పుడు తీవ్ర చర్చనీయాంశమవుతోంది. అతను తన భార్య నటాషాతో విడాకులు తీసుకోవచ్చని పుకార్లు షికార్లు చేస్తున్నాయి. కానీ, హార్దిక్, నటాషా ఇంకా ఈ పుకార్లపై స్పందించలేదు.
అయితే, హార్దిక్ పాండ్యా, నటాషా విడాకుల పర్వం కేవలం పబ్లిసిటీ స్టంట్ మాత్రమేనని సోషల్ మీడియాలో ఒక పోస్ట్ వైరల్ అవుతోంది. ఈ పోస్ట్‌లో ముంబై కెప్టెన్‌గా ఐపీఎల్‌లో విఫలమైన హార్దిక్‌పై అందరి దృష్టిని మరల్చడానికే ఈ విడాకుల వ్యవహారాన్ని తెర మీదకు తీసుకొచ్చారని ఉంది.
ఫ్యాన్స్ మరియు నెటిజన్లు ఈ వార్త నిజమా కాదా అని గందరగోళంలో ఉన్నారు. హార్దిక్ లేదా నటాషా అధికారికంగా స్పందించాల్సిందే. హార్దిక్, నటాషా 2020లో వివాహం చేసుకున్నారు మరియు ఒక కొడుకు ఉన్నాడు. హార్దిక్ ప్రస్తుతం అమెరికాలో, టీ20 ప్రపంచకప్‌కు సన్నద్ధమవుతున్నాడు.
