తెలంగాణ ప్రజలపై బలగం సినిమా ఎంతగానో ప్రభావం చూపించింది. చిన్న సినిమాగా వచ్చి పెద్ద ప్రభావం చూపించిన ఈ సినిమా.. ఎంతో మంది విడిపోయిన రక్త సంబంధీకులను కలిపింది. ఇప్పుడు కాంపిటేటివ్ పరీక్షల్లోనూ మార్కులు సంపాధించే ప్రశ్నగా మారింది. ఇప్పటికే కానిస్టేబుల్ పరీక్షలో బలగం సినిమా గురించి ఓ ప్రశ్న అడగ్గా... ఈరోజు నిర్వహించిన గ్రూప్ 4 పరీక్షలోనూ.. ఈ చిత్రానికి సంబంధించిన ఆసక్తికర ప్రశ్న అడిగారు. ఆ ప్రశ్నకు సరైన సమాధానం ఏంటంటే..?
తెలంగాణ రాష్ట్రవ్యాప్తంగా గ్రూప్ 4 పరీక్ష ప్రశాంతంగా జరిగింది. అయితే.. ఈ పరీక్షలో ప్రశ్నలు కఠినంగా అడిగారా.. లేదా సులువుగానే ఇచ్చారా.. అన్నది పక్కన పెడితే.. ఓ ఆసక్తికర ప్రశ్న మాత్రం దర్శనమిచ్చింది. గ్రూప్ 4లో రెండు పేపర్లు ఉండగా.. మొదటి పేపర్ (జనరల్ స్టడీస్) లో తెలంగాణ ప్రజల మనసులు గెలుచుకున్న బలగం సినిమాకు సంబంధించిన ప్రశ్న అడగటం విశేషం. అయితే.. చిన్న సినిమాగా వచ్చి తెలంగాణ ప్రజల గుండెల్లో దాచుకునే భావోద్వేగ చిత్రంగా మారింది బలగం సినిమా. అయితే.. ఈ సినిమా గురించి రాష్ట్రవ్యాప్తంగా చిన్న పిల్లాడి నుంచి పండు ముసలివాళ్ల వరకు అందరూ దాదాపుగా వీక్షించారు. కాగా.. సినిమాలో తెలంగాణతనం ఉట్టిపడే విధంగా.. తీర్చిదిద్దటంతో బలగానికి ప్రత్యేకత ఏర్పడింది. దీంతో.. ఈ సినిమాకు సంబంధించి ప్రశ్నలు ఈ మధ్య కాంపిటేటివ్ పరీక్షల్లో అడుగుతున్నారు. ఇటీవలే నిర్వహించిన.. పోలీస్ కానిస్టేబుల్ పరీక్షలో కూడా బలగం సినిమాకు సంబంధించి ప్రశ్న అడగగా.. ఈరోజు నిర్వహించిన గ్రూప్-4లో కూడా అడగటం గమనార్హం. అయితే.. పేపర్-1లో జనరల్ స్టడీస్‌లో భాగంగా.. బలగం సినిమాకు సంబంధించిన ప్రశ్న అడిగారు. బలంగం చిత్రానికి సంబంధించి క్రింది జ‌త‌ల‌లో ఏవి స‌రిగ్గా జ‌త‌ప‌రిచిన‌వి? అంటూ ప్రశ్న అడగ్గా.. ఆప్షన్లలో.. ఎ. దర్శకుడు: వేణు యెల్దండి, బి. నిర్మాత: దిల్ రాజు, హ‌న్షితా రెడ్డి, హ‌ర్షిత్ రెడ్డి, సి.సంగీత దర్శకుడు: భీమ్స్ సిసిరోలియో, డి. కొమ‌ర‌య్య పాత్రను పోషించిన‌వారు: అరుసం మధుసూధన్ అంటూ ఇచ్చారు. అయితే.. ఇందులో దర్శకుడు వేణు అన్న విషయం చాలా మందికి తెలిసిన విషయమే. ఎందుకంటే.. అతను ఎప్పటి నుంచి కమెడియన్‌గా అలరించి ఇప్పుడు సినిమా తీశాడన్నది జనాల్లోకి బాగానే వెళ్లింది. ఇక.. నిర్మాత, మ్యూజిక్ డైరెక్టర్ గురించి అంతో ఇంతో సినిమా గురించి తెలిసిన వారికి కొంత ఐడియా ఉండే ఉంటుంది. చిక్కంతా.. కొమురయ్య పాత్ర పోషించిన నటుడి పేరు దగ్గరే వచ్చి పడింది.
జనాలందరూ..ఆ తాతను కొమురయ్యగానే గుర్తుపెట్టుకున్నారు. అంతేందుకు సినిమాల మీద కొంత ఐడియా ఉన్న వాళ్లు కూడా ఆయన పేరేంటని అడిగితే టక్కున చెప్పటం కష్టమే. ఎందుకంటే.. ఆ పాత్రలో ఆయన అంతగా ఒదిగిపోయి చేశారు. ఇదంతా పక్కన పెడితే.. కొమురయ్యగా చేసిన నటుడి పేరు నిజానికి కేతిరి సుధాకర్ రెడ్డి. కాగా.. అందులో అరుసం మధుసూధన్ అని ఇచ్చారు. కాగా.. "ఏ, బీ మరియు సీ మాత్రమే" అనేది సరైన సమాధానం. మరి అభ్యర్థులంతా ఏం పెట్టారో మరి చూసుకోండి ఓ సారి.
Yorumlar