ప్రస్తుతం జరుగుతున్న ఆసియా కప్‌-2023లో వ్యాఖ్యాతగా వ్యవహరిస్తున్న భారత మాజీ ఓపెనర్ గౌతమ్ గంభీర్ సరికొత్త వివాదంలో చిక్కుకున్నాడు. భారత్-నేపాల్ జట్ల మధ్య జరిగిన ఓ ఘటనకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. గౌతమ్ గంభీర్ చర్య సర్వత్రా తీవ్ర దుమారం రేపుతోంది.
ప్రస్తుతం జరుగుతున్న ఆసియా కప్‌-2023లో వ్యాఖ్యాతగా వ్యవహరిస్తున్న భారత మాజీ ఓపెనర్ గౌతమ్ గంభీర్ సరికొత్త వివాదంలో చిక్కుకున్నాడు. భారత్-నేపాల్ జట్ల మధ్య జరిగిన ఓ ఘటనకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. గౌతమ్ గంభీర్ చర్య సర్వత్రా తీవ్ర దుమారం రేపుతోంది. మ్యాచ్ సమయంలో గంభీర్ మైదానం నుండి బయటకు వెళుతున్నప్పుడు.. ప్రేక్షకులు కోహ్లీ-కోహ్లీ అని అరిచారని, కోపోద్రిక్తుడైన గంభీర్ ప్రేక్షకులపై వేలితో అసభ్యకర సంజ్ఞ చేశారని వార్తలు వచ్చాయి. వేలు చూపిస్తూ గంభీర్ సైగలు చేయడం పై సోషల్ మీడియాలో పెద్ద ఎత్తున చర్చ జరిగింది. అయితే ఈ వివాదంపై గంభీర్ పూర్తిగా క్లారిటీ ఇచ్చాడు. ‘ సోషల్ మీడియాలో మొత్తం నిజం చూపించలేదు. నేను వస్తున్నప్పుడు కొంతమంది ప్రేక్షకులు హిందుస్థాన్ ముర్దాబాద్, కాశ్మీర్ అంటూ నినాదాలు చేశారు. అందుకే నేను అలాంటి రెస్పాన్స్ ఇచ్చారు. సోషల్ మీడియాలో చూపించేవి నిజం కాదు. ఎందుకంటే మనుషులు తమకు నచ్చిన విషయాలను మాత్రమే చూపిస్తారు. అక్కడి ప్రేక్షకులు భారత్‌కు వ్యతిరేకంగా నినాదాలు చేశారు. అలాగే చాలా మంది కాశ్మీర్ గురించి మాట్లాడారు. ఇద్దరు ముగ్గురు పాకిస్థానీలు భారత్‌కు వ్యతిరేకంగా మాట్లాడుతున్నారు. హిందుస్థాన్ ముర్దాబాద్ అంటూ నినాదాలు చేశారు. నేను నా దేశం గురించి ఇలాంటి మాటలు వినలేను. నేను అలాంటి వాటిని చూసి నవ్వేవాడిని కాదు. అందుకే అలాంటి రెస్పాన్స్ ఇచ్చాను’ అని గంభీర్ చెప్పుకొచ్చాడు.🏏 🇮🇳
