నేను నటించిన ఆగ్రా సినిమాలోని సన్నివేశాలు లీక్ అయినప్పటి నుంచి చాలా బాధగా ఉన్నాను. నా బాధను వివరించడానికి నిరుత్సాహం అనేది కూడా చిన్నమాటే. మా కష్టాన్ని, అంకితభావాన్ని మర్చిపోయి కేవలం కొన్ని సన్నివేశాలను మాత్రమే వైరల్ చేయడం కరెక్ట్ కాదు. ఇలాంటి చిత్రాలను రూపొందించడం పెద్ద సవాలు. అందులు ఎన్నో నిద్రలేని రాత్రులు గడపాలి. అలాంటి సినిమాలను మీ ముందుకు తీసుకురావడానికి రక్తాన్ని చెమటగా మార్చాలి. కన్నీళ్లను అర్థం చేసుకోకుండా ఈ సినిమా గురించి తప్పుగా మాట్లాడుతున్నారు. కొన్ని సీన్స్ చూసి సినిమాపై ఓ నిర్ణయానికి రాకండి. అలాగే నన్ను జడ్జ్ చేయకండి. ఈ సినిమాను కేన్స్ ఫిల్మ్ ఫెస్టివల్ 2023లో ప్రదర్శించారు. అది సినిమాకు దక్కిన గౌరవం. అలాగే ఈ మూవీ అంతర్జాతీయ స్థాయిలో ప్రశంసలు అందుకుంది. ఇంత గొప్ప ప్రాజెక్టులో పనిచేసినందుకు నాకు గర్వంగా ఉంది. మా సినిమా శైలిని గుర్తించాలని కోరుతున్నాను. కళ అనేది ఎన్నో భావోద్వేగాలతో ముడిపడి ఉంటుంది. మా శ్రమను వృథా చేయకండి. సినిమా గొప్పతనాన్ని చూడండి” అంటూ ఆ లేఖలో పేర్కొంది. ఆగ్రా సినిమా ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతుండగా.. మరోవైపు ఈ చిత్రంలోని బోల్డ్ సన్నివేశాలను కొందరు సోషల్ మీడియాలో షేర్ చేస్తున్నారు. రుహానీ శర్మ తెలుగులో పలు చిత్రాల్లో నటించి గుర్తింపు తెచ్చుకుంది.
