చంద్రమోహన్ మరణం ఇండస్ట్రీని విషాదం లోకి నెట్టింది. హీరోగా క్యారెక్టర్ ఆర్టిస్ట్ గా నటుడిగా ఎన్నో అద్బుతపాత్రల్లో నటించి మెప్పించారు చంద్రమోహన్.
ఆరడుగుల అందగాడు కాకపోయినా.. తన నటనతో హావభావాలతో ప్రేక్షకులను మెప్పించారు చంద్రమోహన్. గత గొద్దిరోజులుగా అనారోగ్యంతో బాధపడుతున్న ఆయన నేడు 9.45 నిమిషాలకు తుది శ్వాస విడిచారు. ఆయన మరణ వార్త విని సినీ ఇండస్ట్రీ దిగ్బ్రాంతి వ్యక్తం చేసింది. సినీ ప్రముఖులు సోషల్ మీడియా వేదికగా సంతాపం తెలుపుతున్నారు. మెగాస్టార్ చిరంజీవి సోషల్ మీడియా వెదికాగా చంద్ర మోహన్ మృతికి సంతాపం తెలిపారు. “సిరిసిరిమువ్వ’, ‘శంకరాభరణం’, ‘రాధాకళ్యాణం’, ‘నాకూ పెళ్ళాం కావాలి’ లాంటి అనేక ఆణిముత్యాల్లాంటి చిత్రాల్లో తన వైవిధ్య నటనా కౌశలం ద్వారా తెలుగు వారి మనస్సులో చెరగని ముద్ర వేసిన సీనియర్ నటులు, కథనాయకులు చంద్రమోహన్ గారు ఇక లేరని తెలవడం ఎంతో విషాదకరం.
నా తొలి చిత్రం ‘ప్రాణం ఖరీదు’ లో ఒక మూగవాడి పాత్రలో అత్యద్భుతమైన నటన ప్రదర్శించారాయన. ఆ సందర్భంగా ఏర్పడిన మా తొలి పరిచయం, ఆ తర్వాత మంచి స్నేహంగా, మరింత గొప్ప అనుబంధంగా మారింది. ఆయన సాన్నిహిత్యం ఇక లేకపోవటం నాకు వ్యక్తిగతంగా తీరని లోటు.ఆయన ఆత్మకి శాంతి చేకూరాలని కోరుకుంటూ , ఆయన కుటుంబ సభ్యులకు , అభిమానులకు నా ప్రగాఢ సంతాపం తెలుపుతున్నాను. అంటి చిరంజీవి తన ట్విట్టర్ లో రాసుకొచ్చారు. 🙏🌹
