అలరిస్తున్న దుల్కర్ సల్మాన్ న్యూ మూవీ సాంగ్..

మలయాళ స్టార్ హీరో దుల్కర్ సల్మాన్ కు తెలుగులో కూడా మంచి క్రేజ్ ఉంది. తన నటనతో టాలీవుడ్ లో మంచి గుర్తింపుతో పాటు భారీగా అభిమానులను సొంతం చేసుకున్నాడు. దుల్కర్ సల్మాన్ ఒకే బంగారం సినిమాతో టాలీవుడ్ లో మంచి విజయాన్ని అందుకున్నాడు. ఈ సినిమా సూపర్ హిట్ అయ్యింది. ఈ సినిమాకు మణిరత్నం దర్శకత్వం వహించారు. ఆతర్వాత మహానటి సినిమాతో ప్రేక్షకులకు దగ్గరయ్యాడు. వీటితో పాటు రీసెంట్ గా వచ్చిన సీతారామం సినిమా దుల్కర్ కెరీర్ లో వన్ ఆఫ్ ది బ్లాక్ బస్టర్ గా నిలిచింది. సీతారామం సినిమాతో నేరుగా తెలుగులో సినిమా చేసి హిట్ అందుకున్నాడు ఈ స్టార్ హీరో. ఇక ఇప్పుడు మరో తెలుగు సినిమా చేస్తున్నాడు దుల్కర్. లక్కీ భాస్కర్ అనే ఇంట్రెస్టింగ్ టైటిల్ తో ఈ సినిమా రానుంది. తాజాగా దుల్కర్ పుట్టినరోజు సందర్భంగా, చిత్రబృందం ‘లక్కీ భాస్కర్’ టైటిల్ ట్రాక్‌ను విడుదల చేసింది. నిన్న (ఆదివారం) దుల్కర్ సల్మాన్ పుట్టిన రోజు. సోషల్ మీడియా వేదికగా దుల్కర్‌కు బర్త్ డే విషెస్ తెలిపారు అభిమానులు, సినీ సెలబ్రెటీలు. అలాగే లక్కీ భాస్కర్ సినిమా నుంచి ఓ క్రేజీ అప్డేట్ కూడా ఇచ్చారు.