వర్షాకాలంలో ఈ ఆహారం తింటే ఇమ్యూనిటీ పెరుగుతుంది..!. ఈ కాలం వర్షాలనే కాదు.. వ్యాధులను తన వెంట మోసుకొస్తుంది. ఈ సీజన్‌లో ఇన్ఫెక్షన్లు, అంటువ్యాధుల ముప్పు పెరుగుతుంది.
తేమతో కూడిన వాతావరణం, భారీ వర్షాలు, గుంటల్లో నీళ్లు నిలిచిపోవడం, గాలులతో కూడిన వాతావరణం కారణంగా హానికారక బ్యాక్టీరియా, జెర్మ్స్‌ వృద్ధి చెందే అవకాశం ఎక్కువ. వర్షాకాలంలో దోమల కాటు వల్ల కూడా వ్యాధులు ఎక్కువవుతుంటాయి. ఈ అనారోగ్యాలతో వ్యతిరేకంగా పోరాడటానికి.. రోగనిరోధకశక్తి బలంగా ఉండటం చాలా ముఖ్యం. వర్షాకాలంలో ఇమ్యూనిటీని మరింత బూస్ట్‌ చేసుకోవడానికి డైట్‌లో కొన్ని మార్పులు కచ్చితంగా చేసుకోవాలి. మీ ఆహారంలో కొన్ని సూపర్‌ఫుడ్స్‌ చేర్చుకుంటే.. మీ ఇమ్యూనిటీ స్ట్రాంగ్‌గా ఉంటుంది, మీరు ఆరోగ్యంగా ఉంటారు. వర్షాకాలం మీ డైట్‌లో చేర్చుకోవలసిన ఆహార పదార్థాలు ఏమిటో ఈ స్టోరీలో చూద్దాం. అల్లం.. అల్లంలో యాంటీ ఇన్ఫ్లమేటరీ, యాంటీఆక్సిడెంట్‌ గుణాలు సమృద్ధిగా ఉంటాయి. అల్లం శరీర కణజాలాలకు పోషకాలను సమీకరించడానికి, రవాణా చేయడానికి తోడ్పడుతుంది. ఈ రోజుల్లో జలుబు, దగ్గు వంటి సమస్యలు సర్వసాధారణం. అల్లం కఫాన్ని తగ్గిస్తుంది. అల్లం టీ తాగితే జలుబు, దగ్గు దూరమవుతాయి. ఫ్లూ సమస్యతోనూ పోరాడటానికి అల్లం తోడ్పడుతుంది. అల్లంలోని యాంటీ ఇన్ఫ్లమేటరీ గుణాలు శరీరంలోని వాపును తగ్గించడంతో పాటు, రోగనిరోధక శక్తిని మెరుగుపరుస్తాయి. వర్షకాలం టీలు, సూప్‌లు, కూరల్లో అల్లాన్ని ఎక్కువ ఉపయోగిస్తే ఇమ్యూనిటీ బూస్ట్‌ చేసుకోవచ్చు. (image source - pixabay) నేరేడు పండు. వర్షాకాలంలో నేరేడు పండు సులభంగా దొరుకుతుంది. నేరేడు పండులో ఉండే విటమిన్ సి, యాంటీ ఆక్సిడెంట్లు మీ రోగనిరోధక శక్తిని మెరుగుపరుస్తాయి. నేరేడులో కెలొరీలు తక్కువ. ఎ, సి-విటమిన్లూ ఖనిజాలూ ఫైటోకెమికల్సూ పుష్కలంగా ఉంటాయి. వానాకాలంలో వచ్చే అతిసారం, కలరా వ్యాధులతో పాటు ఇతరత్రా ఇన్ఫెక్షన్లనీ నేరేడు ఔషధంలా పనిచేస్తుంది. కడుపులో పేరుకుపోయిన మలినాలను, శరీరంలోని వ్యర్థాలను బయటకు పంపడానికి ఇందులోని పోషకాలు చక్కగా పనిచేస్తాయి. కరివేపాకు.. వంటల్లో కరివేపాకు ఎక్కువగా వాడుతుంటాం. చాలామంది కూరల్లో కరివేపాకు తీసి పక్కన పెట్టేస్తూ ఉంటారు. అయితే, ఈ ఆకు ఇమ్యూనిటీ బూస్ట్‌ చేయడానికి ఎఫెక్టివ్‌గా పనిచేస్తుందని నిపుణులు చెబుతున్నారు. కరివేపాకులో లినాలూల్, ఆల్ఫా-టెర్పినేన్, మైర్సీన్, మహానింబైన్, కారియోఫిలీన్, ముర్రాయనాల్‌ , ఆల్ఫా-పినేన్ వంటి అనేక సమ్మేళనాలు ఉంటాయి. ఈ సమ్మేళనాలు శరీరంలో యాంటీఆక్సిడెంట్లుగా పనిచేస్తాయి. ఇవి మీ ఆరోగ్యానికి మేలు చేస్తాయి. తులసి.. ఈ కాలంలో రోజూ తులసి ఆకులను నమలడం అనారోగ్యాల నుంచి రక్షణ పొందవచ్చు. ఐదు తులసి ఆకులను రాత్రంతా నీటిలో నానబెట్టి.. మరుసటి రోజు ఉదయం పరగడుపునే ఆ ఆకులు తినాలి.. నీటిని తాగాలి. తద్వారా దగ్గు, జలుబు లాంటి ఇన్ఫెక్షన్ల నుంచి తక్షణ ఉపమశమనం పొందచ్చు. తులసి రోగనిరోధక వ్యవస్థను బూస్ట్‌ చేస్తుంది. నిమ్మకాయ నిమ్మరసంలో విటమిన్ సి సమృద్ధిగా ఉంటుంది. ఇది శక్తివంతమైన యాంటీఆక్సిడెంట్‌గా పనిచేస్తుంది. ఇవన్నీ మీరు పాటిస్తే చాలా వరకు రోగాలను నియంత్రించవచ్చ్చు.
Comments