వర్షాకాలంలో రోగాల వ్యాప్తి షరా మామూలే. జలుబు, దగ్గు, జ్వరం ప్రతి ఇంట్లో తిష్ట వేస్తాయి. దగ్గు సిరప్, పారాసెటమాల్, యాంటీబయాటిక్స్.. ఈ మూడింటిపై ఆధారపడవల్సి వస్తుంది. కానీ రోజూ ఒక్క వెల్లుల్లి రెబ్బ తింటే ఈ మందులతో పనే లేదంటున్నారు ఆరోగ్య నిపుణులు.
వర్షాకాలంలో శరీరాన్ని ఆరోగ్యంగా ఉంచుకోవడానికి వెల్లుల్లి ఉత్తమ మార్గం. వెల్లుల్లి వంటల్లో రుచిని పెంచేందుకు ఎంతగానో ఉపయోగపడుతుంది.అలాగే ఆరోగ్య సంరక్షణకు కూడా ఉపయోగపడుతుంది. దీని వల్ల ఇంకా ఎలాంటి లాభాలు ఉన్నాయో తెలుసా?
రోగనిరోధక శక్తిని పెంచేందుకు వెల్లుల్లి బాగా ఉపయోగపడుతుంది. ఇందులో అల్లిసిన్ అనే పదార్ధం ఉంటుంది. ఇది రోగనిరోధక శక్తిని పెంచడానికి సహాయపడుతుంది. జలుబు, దగ్గు వంటి సమస్యల నుంచి త్వరగా కోలుకోవచ్చు. కాబట్టి, వర్షాకాలంలో రోగాల బారీన పడకుండా ఉండాలంలే వెల్లుల్లి తప్పక తినాలి.
యేటా క్యాన్సర్ రోగుల సంఖ్య పెరుగుతోంది. కానీ వెల్లుల్లి శరీరంలో క్యాన్సర్‌కు వ్యతిరేకంగా రోగనిరోధక శక్తిని నిర్మించడంలో ప్రభావవంతంగా పని చేస్తుంది. వెల్లుల్లి క్యాన్సర్ కణాల పెరుగుదలను నిరోధించే ప్రయోజనకరమైన యాంటీఆక్సిడెంట్లను పెంపొందిస్తుంది.
ఆర్థరైటిస్ నొప్పితో బాధపడే వారు రోజూ వెల్లుల్లి తినడం వల్ల ప్రయోజనం పొందవచ్చు. లేదంటే నూనెలో వెల్లుల్లి వేసి, బాగా వేడిచేయాలి. ఆ తర్వాత ఆ వెల్లుల్లి నూనెను నొప్పి ఉన్న ప్రదేశంలో రాస్తే.. కొన్ని రోజుల్లోనే నొప్పి తగ్గుతుంది. తరచుగా జలుబుతో బాధపడేవారు వెల్లుల్లిని క్రమం తప్పకుండా తీసుకోవడం వల్ల ప్రయోజనం పొందుతారని పలు అధ్యయనాలు చెబుతున్నాయి. వెల్లుల్లి గుండె ఆరోగ్యాన్ని పునరుద్ధరించడానికి, వివిధ దీర్ఘకాలిక వ్యాధులను తొలగించడానికి కూడా సహాయపడుతుంది.
Kommentare