అల్లు శిరీష్, రామ్ చరణ్ చిన్నప్పటి ఫోటోస్ సోషల్ మీడియాలో చాలా కాలంగా వైరలవుతున్నాయి. కానీ ప్రస్తుతం పైన కనిపిస్తున్న ఫోటో నెటిజన్లను తెగ అట్రాక్ట్ చేస్తుంది. తాజాగా తన కొత్త సినిమా ప్రమోషన్లలో పాల్గొంటున్న శిరీష్.. ఓ ఇంటర్వ్యూలో ఈ ఫోటో గురించి ఆసక్తికర విషయాలు చెప్పుకొచ్చాడు. తన ఫస్ట్ బర్త్ డే రోజున మెగాస్టార్ చిరంజీవి తనను, రామ్ చరణ్ ఇద్దరిని ఎత్తుకున్నారని.. ఆ సమయంలో తాను చరణ్ బుగ్గగిల్లుతున్నానని అన్నారు. ఇందుకు సంబంధించిన వీడియోను తాను చూశానని.. అందులో చరణ్ బుగ్గగిల్లుతున్నట్లుగా ఉందని అన్నారు. అలాగే తన ఫేవరేట్ కజిన్ రామ్ చరణ్ గతంలో పలు ఇంటర్వ్యూలలో తెలిపారు. ఊర్వశివో రాక్షసివో సినిమాతో అడియన్స్ ముందుకు వచ్చిన శిరీష్.. ఇప్పుడు బడ్డీ చిత్రంలో నటిస్తున్నారు. ఇప్పటికే షూటింగ్ కంప్లీట్ చేసుకున్న ఈ సినిమా ఆగస్ట్ 2న రిలీజ్ కానుంది. కొన్ని రోజుల క్రితం విడుదలైన టీజర్, ట్రైలర్ సినిమాపై ఆసక్తిని పెంచాయి.
