కండోమ్‌తో జాగ్రత్త..!! అధ్యయనంలో షాకింగ్‌ విషయాలు

#CondomSafety

కండోమ్స్‌ ఉపయోగించేవారికి హెచ్చరిక.. కండోమ్స్‌, లూబ్రికెంట్స్‌ కారణంగా భవిష్యత్తులో వంధ్యత్వం, క్యాన్సర్‌ సమస్యలు వచ్చే ప్రమాదముందని వినియోగదారుల భద్రత వేదిక మామావేషన్‌ సంస్థ ఓ అధ్యయనంలో వెల్లడించింది. పర్యావరణంలో కలిసిపోనటువంటి శాశ్వత రసాయనాలుగా పేర్కొనే, పీఎఫ్‌ఏఎస్‌ కెమికల్స్‌ను కండోమ్స్‌ తయారీలో వాడుతున్నారని తెలిపింది. ప్రఖ్యాత బ్రాండ్‌ ఉత్పత్తులు సహా పలు కంపెనీల ఉత్పత్తుల్లో పీఎఫ్‌ఏఎస్‌ కెమికల్స్‌ను ఎక్కువ మోతాదులో వాడుతున్నట్టు గుర్తించామని వివరించింది. పీఎఫ్‌ఏఎస్‌ కెమికల్స్‌గా పిలిచే ఈ కెమికల్‌ ఎన్నేళ్లయినా ఇవి నీరు, అగ్గి, నూనె, గ్రీజు ఇలా పర్యావరణంలోని ఏ పదార్థంతోనూ కలిసిపోవు. అందుకే వీటిని ఫరెవర్‌ కెమికల్స్‌గా పిలుస్తారు. కార్పెంటింగ్‌, పెయింట్లు, ఫైర్‌ ఫైటింగ్‌ ఫోమ్స్‌లో వీటిని ఎక్కువగా వాడతారు. పీఎఫ్‌ఏఎస్‌ కెమికల్స్‌ కలిసిన కండోమ్స్‌, లూబ్రికెంట్స్‌ను వాడితే వంధ్యత్వం, క్యాన్సర్‌తో పాటు కాలేయం దెబ్బతినడం, థైరాయిడ్‌ సమస్యలు, సంతాన లోపాలు, రోగనిరోధక శక్తి తగ్గిపోవడం వంటి సమస్యలు ఎదురవుతాయిన పరిశోధకులు హెచ్చరిస్తున్నారు.