చిన్న సినిమాలు పెద్ద విజయం సాదించడటం కామనే.. ఇప్పటికే చాలా సినిమాలు ఎలాంటి అంచనాలు లేకుండా వచ్చి భారీ విజయాలు సాధించాయి. అలాగే మలయాళ ఇండస్ట్రీ నుంచి వచ్చిన సినిమాలు కూడా ప్రేక్షకులను విపరీతంగా ఆకట్టుకుంటున్నాయి . ఈ క్రమంలోనే రీసెంట్ గా ప్రేమలు అనే సినిమా రిలీజ్ అయ్యింది. ప్రేమలు సినిమా మలయాళంలో సూపర్ హిట్ గా నిలిచింది. అలాగే ఈ సినిమా తెలుగులోనూ రిలీజ్ అయ్యింది. తెలుగులోనూ ఈ సినిమాకు మంచి స్పందన వచ్చింది. ఇదిలా ఉంటే ఈ సినిమాలో హీరోయిన్ గా నటించిన మమిత బైజు కు మంచి క్రేజ్ వచ్చింది. ఈ చిన్నదాన్ని చూసిన ఆడియన్స్ ఎవరు ఈ అమ్మడు అంటూ సోషల్ మీడియాను గాలిస్తున్నారు. ప్రేమలు సినిమాతో మమిత బైజు ఓవర్ నైట్ లో క్రేజ్ సొంతం చేసుకుంది.
ఇక ఇప్పుడు ఈ చిన్నదానికి ఆఫర్స్ క్యూ కడుతున్నాయి. బ్యాక్ టు బ్యాక్ ఈ అమ్మడికి అదిరిపోయే ఆఫర్స్ వస్తున్నాయి. ఇప్పటికే టాలీవుడ్ లో కృతి శెట్టి , శ్రీలీల ఓవర్ నైట్ లో క్రేజ్ తెచ్చుకొని ఆఫర్స్ అందుకున్న విషయం తెలిసిందే. ఇదే తరహాలో ఇప్పుడు మమిత బైజు కూడా ఆఫర్స్ అందుకుంటుంది. ఈ క్రమంలోనే ఇప్పుడు ఈ బ్యూటీకి క్రేజీ ఆఫర్ వచ్చిందని తెలుస్తోంది.
రౌడీ హీరో విజయ్ దేవరకొండ హీరోగా నటిస్తున్న సినిమాలో మమిత బైజు హీరోయిన్ గా నటిస్తుందని తెలుస్తోంది. రీసెంట్ గా విజయ్ దేవరకొండ ఫ్యామిలీ స్టార్ సినిమాతో ప్రేక్షకుల ముందుకు వచ్చాడు. ఈ సినిమా మంచి టాక్ తో దూసుకుపోతోంది. ఇక ఇప్పుడు విజయ్ గౌతమ్ తిన్ననూరి డైరెక్షన్ లో సినిమా చేస్తున్నాడు. ఈ సినిమాలో విజయ్ పోలీస్ ఆఫీసర్ గా కనిపించనున్నాడు. అయితే ఈ సినిమాలో హీరోయిన్ గా శ్రీలీలను ఎంపిక చేశారు. అయితే డేట్స్ అడ్జెస్ట్ కాకపోవడంతో శ్రీలీల ఆ సినిమా నుంచి తప్పుకుందని తెలుస్తోంది. ఇప్పుడు ఆమె ప్లేస్ లోకి మమిత బైజు వచ్చిందని ఫిలిం సర్కిల్స్ లో టాక్ వినిపిస్తుంది. త్వరలోనే దీని పై క్లారిటీ రానుంది.
Comentarios