సీఎం కుర్చీలో కూర్చున్నా అనే ఇంగితం కూడా లేకుండా మరోసారి రేవంత్ రెడ్డి తన మూర్ఖత్వాన్ని బహిర్గతం చేసుకున్నారని బీఆర్‌ఎస్‌ నేత దాసోజు శ్రవణ్ తీవ్ర విమర్శలు చేశారు.
హైదరాబాద్‌లోని తెలంగాణ భవన్‌లో మంగళవారం నిర్వహించిన మీడియా సమావేశంలో బీఆర్‌ఎస్‌ నాయకులు పొన్నాల లక్ష్మయ్య, బాల్క సుమన్‌, గ్యాదరి కిశోర్‌తో కలిసి దాసోజు శ్రవణ్ మాట్లాడారు. టాయిలెట్‌ క్లీనర్‌ హార్పిక్‌ను నోటిలో పోసుకుని పుకిలించితే తప్ప.. రేవంత్ రెడ్డి నోరు సక్కగా కాదంటూ ఘాటు వ్యాఖ్యలు చేశారు. అప్పుడైనా ముఖ్యమంత్రి కుర్చీలో కూర్చున్న అనే సోయితో మంచిగ మాట్లాడుతాడు కావచ్చంటూ దాసోడు శ్రవణ్ ఎద్దేవా చేశారు.🗳️
