📰 బీజేపీ పరువు నష్టం కేసులో ఢిల్లీ మంత్రి అతిశీకి కోర్టు సమన్లు జారీ చేయడంపై సీఎం అరవింద్ కేజ్రీవాల్ స్పందించారు. "అతిశీని అరెస్ట్ చేస్తారని ముందే చెప్పాను. ఇది పూర్తిగా నియంతృత్వమే" అని అన్నారు.కేజ్రీవాల్ ఆరోపణలతో, బీజేపీ పనికిమాలిన కేసుల్లో ఆప్ నేతలందరినీ అరెస్టు చేయిస్తుందని చెప్పారు. మోదీ మళ్లీ అధికారంలోకి వస్తే ప్రతి ప్రతిపక్ష నేతను అరెస్టు చేయిస్తారని హెచ్చరించారు. దేశాన్ని నియంతృత్వం నుంచి రక్షించాల్సిన అవసరం ఉందని చెప్పారు.అతిశీ బీజేపీపై బహిరంగంగా నిలదీశారు. గోవా, మణిపూర్, కర్ణాటక, మధ్యప్రదేశ్, అరుణాచల్ ప్రదేశ్‌లో మెజార్టీ లేకుండానే ఎలా ప్రభుత్వాలు ఏర్పాటు చేశారో చెప్పాలని డిమాండ్ చేశారు. కొన్ని నెలల క్రితం బీజేపీ ₹25 కోట్లు ఇస్తామంటూ ఆప్ నేతలను కొనుగోలు చేయడానికి ప్రయత్నించిందని ఆరోపించారు.
